搜尋此網誌

2012年10月10日星期三

沈卓盈男友金融闊少麥偉汶 同居過億禮頓山

Ray Mark <br><br>fund佬(年約 35歲)


封面

徐淑敏教路釣金龜 沈卓盈金融闊少同居過億禮頓山

2012年10月10日

06年選港姐, 09年奉女成婚,今年 28歲已經係兩女之母,住大屋揸林寶仲有老公打本賣護膚品做老闆娘,徐淑敏嘅青衣屋 邨妹飛上枝頭之路又確係快過坐穿梭機,係好多女人仔夢想 嚟 㗎!

想翻炒徐淑敏富貴路嫁個好老公,原來好姊妹近水樓台最容易照辦煮碗。同 Suki好好感情,又係青衣屋邨出身嘅沈卓盈( Jess)就多得老友教路,撻著億萬身家名測量師之子麥偉汶( Ray Mak),相戀一個月已經進展神速,入主男方市值 1.4億禮頓山豪宅,等做闊太。


6/10十指緊扣

上週六( 6日)下午, Ray驅車離開價值 1.4億的禮頓山豪宅,載著一早坐在車內的女友沈卓盈,手拖手去了筲箕灣醫肚。

同樣 28歲, Suki出身青衣邨,沈卓盈就係長青邨之花,一出道就拍檔做《最緊要正字》主持,難怪徐淑敏同沈卓盈咁 啱嘴形,就算 Suki做 咗人妻人母,淡出電視圈,一樣無損二人友誼,閒時約埋血拼茶聚。 Suki升格做闊太後朋友圈層次亦都有提高,本刊發現,家底豐厚、曾與楊秀惠拍拖的 Ray Mak,不時與 Suki兩公婆飯聚甚至約埋慶生,上個月,仲同 Suki密友沈卓盈撻著熱戀中。

其實入行 10年的沈卓盈,由做《 TVB週刊》 cover girl正式踩入娛樂圈,最初拍住文人王貽興主持《最緊要正字》,令人以為她有點墨水,原來她只是中五畢業,演技嫩,反而靠身材賣慣瘦身廣告,近年就不時群住好姊妹 Suki,實行擴大社交圈子。

放大圖片

同香香公主做空姐,現忙於拍攝《衝上雲霄 2》嘅沈卓盈,劇中只做閒空姐,連角色名都冇,所以大把時間拍拖。

熱情等位

在社交網絡隱晦曬甜蜜,沈卓盈大街大巷反而放得開,高瘦身形甚注目,等位開餐期間,除埋黑超同男友又攬又抱打情罵俏。

胸壓男友

等雪糕唔使一分鐘,沈卓盈都扮樹熊冇腰骨挨落男友身上;扮大星戴黑超嘅佢食完筲箕灣聞名嘅安利魚蛋粉後粉氣攻心,更當街唔掩嘴打呵欠,冇厘儀態(左下圖)。

Ray Mark <br><br>fund佬(年約 35歲)

黐實筍盤

記者連日觀察所見,沈卓盈正在拍攝無 綫新劇《衝上雲霄 2》,只演大茄空姐的她大部分外景要等深夜在機場取景,日頭難得悠閒沈卓盈,「正職」其實是拍拖。

上週五( 4日)至週日整個週末,她幾乎日日同男友 Ray糖黐豆。大街大巷拖手攬腰、醫肚歎雪糕。沈卓盈未收工,男友就單拖去貴價超市掃好 嘢,親自下廚炮製鵝肝、羊架連朱古力撻甜品晚餐慰勞女友,相戀一個月,新鮮熱辣難捨難離。

Ray麥偉汶父親是測量師兼十幾年馬主麥鏡開,先後養了多匹自購馬。據悉約 5呎 10吋個樣又斯斯文文的 Ray從事基金工作,識玩識食靚車名酒歎埋雪茄,又愛坐 uncle遊艇出海,寫意人生,仲識煮兩味,絕對係筍盤。

馬主「老爺」

任職金融界 fund佬、年約 35的 Ray Mak(麥偉汶),其父麥鏡開更加猛料,是本地著名測量師,單是麥家位於禮頓山的 4千呎高層相連單位, 02年以 4,938萬購入,現市值約 1.4億港元,升咗近 3倍。 93年曾以 1,039萬買入面積 2,300呎的渣甸山愉富大廈單位,但 03年以 1,082萬賣出冇乜點賺。而麥鏡開亦是愛馬之人,十多年前已是馬主,其中愛駒「開心人」,曾贏過遮打盃,近年再添兩匹名為「開心」及「歡心」的愛駒,做富貴馬主。麥鏡開名下擁多部名車,其中 Ray現駕的 124萬冧女跑車 Audi RS5亦是其父公司登記,另亦有一部價值 34萬的豐田 Alphard Vs MS 7人家庭車,名副其實闊少一名。

放大圖片

雪糕甜品

食完晏, Ray駕車帶沈卓盈轉戰大坑買雪糕,又係一杯雪糕兩份食。

放大圖片

麥鏡開

《蘋果日報》圖片

放大圖片

上週五( 5日)深夜, Ray駕駛沈卓盈名下的 Mini Cooper,載女友返回自己位於禮頓山的豪宅。

放大圖片

1.4億豪宅

Ray現時居住的禮頓山單位由父親持有,面積 4,000呎的相連單位,市價約 1.4億。

分頭曬 冧

雖然未向傳媒公開與 Ray的戀情,不過沈卓盈就急不及待在社交網絡曬幸福。記者發現二人經常同日同時鋪出同一菜式,一睇就知有景轟。

放大圖片

食硬你

Ray閒時愛煮兩味,不只一次在晚飯時間在 Instagram鋪上當晚作品,轉頭沈卓盈又 喺微博鋪上同款菜式,話:「朋友下廚。」網上圖片

放大圖片

肉赤你

個多月來 Ray的微博動態明顯懷春,不時鋪上鮮花、玫瑰蛋糕、美食明言要送畀特別的人,上週四淩晨就心痛女友夜媽媽仲要開工拍劇。

愛得招搖

據知情人士透露, Ray自年頭被曾傳結婚的前度楊秀惠狠飛後,一直情傷單身,直到個多月前才經友人介紹結識長腿沈卓盈,迅即打得火熱。「佢一向有拖拍就好投入,又唔鍾意隱瞞,所以一齊一個月,女方已經住埋入去 Ray禮頓山豪宅, Ray又成日帶沈卓盈畀朋友見,晚晚換花款煮好 嘢 冧女友,仲帶 Jess去沙灘曬月光,成日俾班 friend笑佢老土㗎!」

放大圖片

楊秀惠與 Ray拍拖兩年, 11年初仲向傳媒自爆有機會「明年結婚」,今年初卻已經與 Ray分手。知情人士透露,是女方戀上另一富家子。

放大圖片

7/10煮飯公

Ray與楊秀惠熱戀期間就被影到拍拖愛行 city’super,週日又被本刊拍到在同一超市單拖買鵝肝、羊架、沙律為女友炮製晚飯。當晚近 11點,沈卓盈果然將鵝肝沙律相放上微博。

Ray Mark <br><br>fund佬(年約 35歲)

鬥餐死

11年《萬凰之王》,楊秀惠(左)曾與沈卓盈一同飾演後宮妃子,戲裏戲外都爭仔。

舊愛楊秀惠

放大圖片

呢個人(沈卓盈)都唔關我事!真實對白

舊愛有新歡,週日楊秀惠出席活動時表示:「佢( Ray)嘅 嘢唔關我事……我冇興趣知!(新歡係電視台同事?)……呢個人都唔關我事……」

肉麻冧女

放大圖片

8/10驚青避走

週一中午, Ray從辦公室外出遇記者即連聲說:「有嘢傾呀!」然後避入汽車陳列室。

難得釣到闊少,沈卓盈呢鋪勢入豪門。與 Ray撻著前,沈曾被傳媒拍得與飛機師男友 Simon約會,但在去年 11月分手後,沈卓盈即積極周圍獵仔,更曾在 Suki婚禮上,被傳全晚吼實合和太子胡文新,勁「向上爬」。戀情剛開始的沈卓盈與 Ray更常在微博和 Instagram傳情,如沈卓盈淩晨開劇, Ray就發表感言,肉赤「心愛的人開緊工」;週日傍晚被記者拍到買鵝肝羊架,當晚就見到沈卓盈微博 冧曬「朋友」炮製鵝肝;超肉麻。雖然同圈中小花拍慣拖,又多娛圈朋友, Ray仍未習慣面對記者。

週一( 8日),在灣仔辦公室午膳外出的 Ray對記者提問一概唔認:「唔得閒同你講,有 嘢傾呀……」邊說邊躲進附近的名車林寶堅尼陳列室,一早在內等候的,竟然又係沈卓盈老友 Suki夫婿,呢兩 pair堅 friend,而沈卓盈就沒回覆。

等嫁豪門

沈卓盈眨嚇眼已於 TVB撈咗 10年,由《 TVB週刊》 Cover Girl起家,在圈中同同齡徐淑敏最好姊妹,估唔到二人戀愛歷程都倒模,有望入豪門。

放大圖片

Cover Girl入行

02年, 18歲的沈卓盈參加《 TVB週刊》封面女郎選舉奪冠入行。

放大圖片

「正」字妹彈起

06年拍住王貽興同徐淑敏一齊主持教粵語嘅「正字」同「正音」節目《最緊要正字》後,唔只引起注意,更識到 Suki成為好姊妹。

放大圖片

拍劇做小花

08年開始做多產女藝人,拍過 25套劇, 09年《古靈精探 B》露胸跳鋼管舞,長腿引死仔。

放大圖片

同飛機師甩拖

06年 22歲嘅佢一直同大 12年嘅飛機師男友 Simon拍拖,可惜去年 11月分手收場,當時沈卓盈即宣布「重新上市」。《忽然 1周》圖片



Related Posts Plugin for WordPress, Blogger...