搜尋此網誌

2012年10月10日星期三

[FACE]攞嚟衰 又懶 又渣 衰擦鞋 蘇施黃 怒趕 《盛女》 Bonnie

今年 6月阿蘇仲傍實 Bonnie出席商台造勢大會,估唔到 4個月後 Bonnie由愛將變棄將。


真面目

攞嚟衰 又懶又渣衰擦鞋 蘇施 黃怒趕《盛女》 Bonnie

2012年10月10日

年頭無綫一套《盛女愛作戰》除 咗令 5位盛女成為風頭躉外,盛女之一 嘅 Bonnie(繆婉嫻)更被商台陳志雲中搵佢開咪做節目,有幸孖住蘇施 黃做《大玩派》。

Bonnie由 OL變 DJ,但有機會都唔珍惜。據知她在商台恃住有阿蘇和陳總撐腰,開咪前唔做功課,轉數又慢,更曾試過與憑《盛》而入行 嘅人生教練 Winnie(梁穎妍)在咪後炒大鑊。

犯眾憎 Bonnie擦阿蘇鞋都冇用,近月阿蘇亦忍唔到佢又懶又蠢,上週四( 4日)阿蘇走入陳總房,叫陳總炒 咗 Bonnie,即刻執包袱。

29歲 Bonnie(繆婉嫻) 喺《盛女愛作戰》憑住鄰家女孩 feel,加上講 嘢夠直接,當時 喺 5位盛女中人氣突出,更令一手度《盛女》橋而且跳槽至商台的陳志雲賞識,招她入雷霆 881做 DJ,先主持《大龍鳳》,遇著《大》其中一集嘉賓蘇施 黃,兩人一拍即合。

放大圖片

阿蘇先係陳總真正愛將,所以阿蘇話要即炒 Bonnie,陳總亦即刻配合。

放大圖片

Winnie(左二)同 Bonnie一齊憑《盛女》上位,仲一齊做節目《大龍鳳》,不過 Bonnie就唔抵得 Winnie多嘢講,試過熄咪後喪鬧 Winnie,令 2人關係惡劣。

「蠢啲都會影響」

「一見阿蘇, Bonnie即刻狂擦鞋,話係佢 fans,又話要跟佢學嘢。阿蘇嗰時就快有新節目,咪搵佢試嚇囉。當初以為佢肯學肯做把口又幾叻,點知懶到爆!」知情人士說。

Bonnie恃住有人撐,只識擦阿蘇鞋,一向轉數唔快 嘅佢,亦唔識將勤補拙,開咪前唔做功課,到做節目時成日講廢話,唔只聽眾鬧爆,連身邊同事都頂佢唔順,人際關係極差。上週四( 4日)阿蘇終於忍唔住,入 咗陳總房叫佢炒 咗 Bonnie,陳總亦手起刀落, Bonnie即時執包袱,其間更 喺 office嚎哭。

被炒 Bonnie週一向本刊說:「我有 啲私事要做 啫!(商台係咪炒 咗妳?)我唔識答呢 啲問題 㗎,不如你問番商台 嗰邊啦!(聽講上星期四阿蘇叫陳總炒你,你執 嘢仲係咁喊喎?)我冇喊喎,你講 嘅 嘢我都未聽過!我真係唔識答呢 啲問題呀! sorry!」對於怒炒 Bonnie,阿蘇表示:「我 哋《大玩派》節目步伐好快速,只要你懶 啲、心散 啲、蠢 啲或者創意冇咁高,都會影響我哋整個團隊,佢跟唔上就係咁!」

《盛女》下場

《盛女》命運各異,除 Bonnie外, Winnie繼續商台開咪, Mandy上網教人整容, Gobby失蹤!而傳聞嘅《盛女 2》,無綫外事部副總監曾醒明話:「做緊資料搜集,暫時構思下年會拍一套男女真人騷,但就肯定唔係《盛女 2》。」

Mandy教整容

當中被喻為最索嘅 Mandy,最近仲同網站合作,教人醫學美容,仲上載打針過程。

今年 6月阿蘇仲傍實 Bonnie出席商台造勢大會,估唔到 4個月後 Bonnie由愛將變棄將。

Suki繼續瘟仔

Suki喺節目中最快搵到男友 Zion,週一( 8日)佢回應本刊:「仲係同佢一齊!」真係恭喜曬。

Florence重返教院

《盛女》出街後, Florence連教院份會計都唔敢返。週一( 8日)她說:「(有男友未?做緊咩呀?)男友方面唔透露,做嘢同以前一樣囉。」



Related Posts Plugin for WordPress, Blogger...