主頁>娛樂圈 >娛樂追擊>黃宗澤 厚待前輩
黃宗澤（Bosco）早前同胡杏兒分手後，被傳瘦近廿磅，加上舊愛仲未搬離佢哋嘅愛巢，難免睹物思人。
仍活在失戀陰霾之中嘅Bosco，惟有寄情工作，早前佢拍電影外景時，心情麻麻，未埋位時成個人悶悶不樂，就連冷面笑匠馮淬帆專程探班同佢吹水，佢初時都冇乜反應，後經馮淬帆變咗心理醫生，聽佢發完一輪噏風，心情明顯好轉，Bosco都好識做，即刻萬歲請飲汽水和pizza作答謝。
近日，Bosco為無綫趕拍新劇，單獨一人時，神情呆滯。
寄情工作嘅佢，邊縛鞋帶邊睇劇本。
Bosco在尖東拍外景時，引來大班市民和自遊行圍觀。
佢一見馮淬帆即雞啄唔斷。
