一家三口為好姊妹賀壽 蔡少芬囡囡變潮童

【今日我至潮】蔡少芬個女識行識走呀，媽咪成擔心機幫渠打扮到成個潮童咁，真系好可愛。

《尖沙嘴》

港姐出身慨陳法蓉同蔡少芬、洪欣一向感情都好好，情同姊妹，所以前日十月生日慨壽星女陳法蓉同洪欣就相約喺尖沙嘴搞咗個生日會。前日下晝5點半鍾左右，見到陳法蓉揸住渠架Benz吉甫車離開沙田寓所，渠先去到山林道上咗一幢大廈，逗留咗30分鍾之後就去咗海運大廈，泊好車之後就行咗去Cova餐廳買咗個蛋糕。

張晉一手抱住囡囡，一手推住BB車，三個女人就系後面講唔停。

楚兒識得望鏡頭影相，真系好精靈。

影完相之後，蔡少芬急不及待咁向陳法蓉等展示。

洪欣同陳法蓉都喺十月生日，所以約埋一齊慶祝。

洪欣同陳法蓉食完飯之後，行去攞車仲不停傾，囝囝張浩鋒就行先。

十月星辰慶生

陳法蓉攞住個蛋糕行咗去附近慨一間薄餅店，原來洪欣同囝囝張浩鋒（前名莫鎬廉）、蔡少芬一家三口、渠哋慨助手若蘭同兩個小朋友，已經喺度等緊。陳法蓉坐低冇耐就開始叫嘢食，成班可能好耐冇見，一直雞啄唔斷咁傾偈，蔡少芬老公張晉就變咗湊仔公，佢個女楚兒就越大越靚，啱啱出世就成個男仔，家卒之似番媽咪又靚又cute，影相時又識得望鏡頭。

洪欣囝囝都有番咁上下大個，佢好識自己照顧自己。餐飯食咗成兩個鍾，到最後陳法蓉就拎個蛋糕出嚟慶祝，唔講唔覺渠過埋生日都成45歲，洪欣就後生少少都41歲。渠哋搵咗餐廳慨侍應生幫手影相，鬼死咁開心。臨走張晉仲捉咗個女每人送個goodbye kiss，唔知在座唯一單身慨陳法蓉會唔會心動恨結婚生仔呢？