秘返內地 微博冇影 朱晨麗涉三亞淫亂派對

娛聞樂

秘返內地　微博冇影　朱晨麗涉三亞淫亂派對

名模和強國「高富帥」雲集的三亞「海天盛筵」，近日成為網絡熱門話題。本月 3日，網友爆「盛筵」在價值 25億元人民幣的豪華遊艇舉行，有一線明星助陣，但派對背後涉嫌集體淫亂。事後，曾出席過的藝人如羅霖、莫文蔚及孫興亦急急與淫亂派對劃清界線。

而前年的港姐冠軍朱晨麗被人網上爆料指有份出席。而淫亂派對舉行當晚，朱晨麗卻剛好返內地，加上她的微博突然有一個星期的真空期，難免令人有聯想。

「海天盛筵」在本月 4日落幕，展期中舉辦了多場派對，部分派對更被指淫亂非常。一班富二代同𡃁模大玩鹹濕版「俄羅斯輪盤」（雜交鬥持久力）及「深水炸彈」（將有精液的安全套套緊，放入女方體內，然後雜交，把套弄破者輸），傳一天用了 2千多個保險套。有份在「盛筵」表演的嘉賓莫文蔚，指自己表演完即返酒店房，而羅霖亦表示自己是穿晚裝出席高貴活動。不過，「盛筵」在網上熱鬧討論，更有富二代將淫亂相片放上網，不少𡃁模及明星仔亦捲入其中，更有傳「前年港姐冠軍亦有收取 60萬出席」。暗指港姐冠軍朱晨麗曾收錢出席派對。

本刊就此事致電其經理人，她表示朱晨麗於本月 1日至 4日向公司請假，返蘇州掃墓。記者翻查微博，平日兩、三天就上微博的朱晨麗， 4月 1日至 7日卻突然沒蹤影，不禁令人懷疑。

本周一（ 15日）朱晨麗從佛山回港，返電視城見監製，之後便孖住同屆參選的蔚雨芯及季軍許亦妮再到尖沙嘴晚飯，記者上前向她求證。

出席淫亂派對的性感女郎，一律身穿 dress code白色晚裝，神情極盡挑逗。同時又有座位表流出，部分區域更名為「失控幫」。

近日不斷在網上流出「海天盛筵」的圖片，當中不乏一些男女半裸，玩到一地都是浴巾的照片。

有出席「海天盛筵」嘅富二代為了曬命，在網上公開表示有前年的港姐冠軍出席，矛頭直指 2011年冠軍朱晨麗。

參選後即搭上富貴港男李晉強的朱晨麗，在《名媛望族》雖然孭重飛，不過表現就被網友插爆，事業發展未如理想。

記︰ 4月初你返內地？

朱︰（諗一諗）我有兩日假期， 1號、 2號的確請咗假返內地，返蘇州拜山。

記︰平時 keep住三、四日打微博，點解呢幾日冇？

朱︰冇咩特別咪冇打囉！

記︰有無聽過呢啲 party?

朱︰當然冇啦，我覺得正常高檔嘅晚宴係 OK嘅，但呢啲我就唔知係咩！

記︰點證明你返蘇州？

朱︰我屋企人同經理人就是最好的證明，佢都知我返咗去。

記︰有冇機票或火車飛可出示證明？

朱︰我聽日要返佛山拍嘢……（扯開話題）

記︰有人話你收 60萬喎！

朱︰唔會啦！

此時，旁邊的許亦妮亦幫手解圍說︰「吓！乜話你有去咩！唔會啦！（怕唔怕影響港姐形象？）都會㗎，但好在從來冇人搵過我。」

微博失蹤 7日

朱晨麗多數 3、 4日更新一次微博，食碗河粉都同 fans分享。不過在 4月 1日起她在微博就罕有地失蹤 7日，失蹤日期同「海天盛筵」脗合，連心水清嘅網友都奇怪佢點解冇咗影。

許亦妮：壞港姐聲譽

話港姐去呢啲淫亂 party，係有少少影響港姐聲譽，但我唔信 Rebecca（朱晨麗）有去！（真實對白）

蔚雨芯：有聽講過

我有聽講過呢啲 party，不過我絕對相信 Rebecca唔會去！（真實對白）

港星雲集海天

港星當中，羅霖、孫興、莫文蔚都牽涉在內，雖然三人都異口同聲否認，不過都承認當時確身處海南三亞，而羅霖更表示聽過三日肉金達 60萬元人民幣。

羅霖撞 dress code

羅霖唔認出席淫亂派對，不過她曾經身穿白色晚裝，同淫亂派對的 dress code一樣。

莫文蔚晚宴高歌

莫文蔚負責在三亞晚宴上表演，她揚言自己出席嘅係高檔活動︰「我去嘅係高檔活動，參與嘅部分好有格調！」

孫興又玩又飲

前亞視小生孫興表示自己祖籍海南，又有小朋友，叫大家不要抹黑他。不過孫興喺會場內又玩又飲咁高興，真係要小心酒後亂性喎！

撰文：娛樂組

攝影：攝影組

. 秘返內地　微博冇影　朱晨麗涉三亞淫亂派對
http://hittt.blogspot.com/2013/04/blog-post_7888.html