揞名爆
「白臉書生」俾人叫整容
喺呢個奇怪嘅年代，整容好似已經變咗係尋常事，你我左右隔籬都總有一、兩個 friend呀同事呀，&#
21946;放個大假返嚟之後，忽然唔同咗樣，你會以為佢去咗四川學變臉！至於娛樂圈，更加唔使講，一打開本雜誌，隨時圈到三、五、七個再造人出嚟！
好似某娛樂公司一向都鍾意叫旗下藝人去執執個樣，「厚唇」就去過幾轉外國提鼻開眼削腮骨，而「包面」個鼻亦經過後天嘅「加持」！估唔到嘅係，連出道好幾年一向俾人讚靚仔嘅「白臉書生」都俾公司同事叫佢去執吓個樣，話五官 sharp啲會紅啲喎。不過，呢位把聲唔錯嘅歌手勁怕痛，死都唔肯，一味拖。
唉，都明嘅，明明已經係靚仔，又真係無人想搞咁多嘢嘅！但入得呢行，有時邊到你揀吖。
. 「白臉書生」俾人叫整容
http://hittt.blogspot.com/2013/04/blog-post_2857.html
