博出位
獎門人繼續 Super
獎門人曾志偉朋友多係人都知，今年正值佢 60大壽，連日來都有慶祝活動，晚晚醉住走。
周日（ 14日）正日牛一嘅志偉，突然童真爆棚，請咗成 300個老友喺迪士尼搞私人慶生 P，場外仲放咗兩個搞鬼紙板俾賓客影相，未開波先笑死，事後唔少老友都將當晚嘅開心相放上網㖭！
譚詠麟最愛志偉
係人都知譚校長同獎門人係全宇宙最 friend嘅老死，志偉仲話要將自己骨灰同對方合葬。啋！生日流流大吉利是咩！合葬就咪啦，同牀算啦！
蔡一傑斷背啜
蔡一傑一直都性向成疑，但佢同志偉關係咁好，點都要嚟個世紀之吻。好彩志偉有老婆仔女，否則睇佢哋個嘟嘴，仲以為……
佘詩曼手多多
近年北上搵食嘅佘詩曼，為同志偉賀壽，專程返港參與對方嘅大壽 P。未開波前，佢同埋阮兆祥、姚樂怡及呂慧儀，一齊欣賞獎門人嘅胴體，仲手多多篤對方個隱世「 SUPER」部位㖭！
. 獎門人繼續 Super
http://hittt.blogspot.com/2013/04/super.html
