媽咪姐
楊怡隨時入戲
《仁心解碼Ⅱ》呢個星期落幕，雖然播映以來收視普通，平均收視維持 27點左右，但視後楊怡嘅表現都算搶眼。佢喺劇中患有精神分裂症，原本係重案組 madam，但因病變成殺人狂魔，最終要自殺收場。楊怡喺劇中時喊時笑，都算交足戲。
可能入戲得滯，就算放咗工，視後嘅精神都顯得特別緊張！早前媽咪姐撞到佢同女助手現身尖沙嘴，喺街頭行入停車場短短路程上，縱使楊怡同助手傾緊偈，佢都不時回頭張望，瞄吓有冇記者跟蹤，好鬼機警。其實楊怡連視後都攞埋，即使被影到同羅仲謙拍拖又有咩所謂呢？放鬆啲啦，香港人。
. 楊怡隨時入戲
http://hittt.blogspot.com/2013/04/blog-post_2049.html
