同你吟一吟
吳卓羲攬女似受靶
2012年10月11日同張馨予終極甩拖，再俾人唱「撩」前女友官恩娜，得閒見面打番場「友誼波」嘅吳卓羲，星期一（十月八日）喺石澳拍《衝上雲霄 II》，無 綫安排傳媒探班，開工場口講吳卓羲用飲品樽 響沙灘砌 咗個大心心向胡杏兒示愛，點知傅嘉莉表錯情，走去攬實吳卓羲。
有女埋身，雖然只係做戲，但吳卓羲似難受多於享受，由於要拍唔同角度，加上試位同 NG，被攬十幾次，吳卓羲成個人硬曬，仲專登對住記者鏡頭露出痛苦表情。
至於現實中同樣甩拖 嘅胡杏兒，呢日劇情講佢睇住自己鍾意 嘅吳卓羲俾第二個女人攬住，真係夾都冇咁 啱。不過胡杏兒心情好 OK，見到路過阿叔捉到隻墨魚，仲八卦問人打算點樣煮？
「滷水囉！」真係捉墨魚阿叔講㗎！
胡杏兒心情早已靚番曬，開工期間除 咗玩工作人員部電話，連阿叔點整隻墨魚 嚟食都關心到。
