同你吟一吟
呂良偉親飛貴州送喪
2012年10月11日星期日（七日），香港赤鱲角機場同旺角無分別，出境大堂塞滿放完中秋國慶長假嘅強國人，入境大堂更加不得了，發聲明認離婚嘅黎明，由歐洲返港，初次見光，引嚟全港傳媒包圍，逼爆。
同日返港嘅港星，仲有去完法國出席周汶錡婚禮嘅伍詠薇兩公婆，同埋分別由上海同貴州返嚟嘅馬德鐘同呂良偉兩對伉儷。
去得上海，又正值大閘蟹季節，機不可失，馬德鐘唔怕膽固醇超標，勁擦之餘，仲帶多三大盒返香港。
至於呂良偉，此行係專程去貴州出席一個病逝朋友喪禮，佢話對方係佢大陸助手，一齊共事十幾年。「都趕到見佢最後一面，我同老婆去埋喪禮先返嚟。」可以想像，阿呂對呢段超過十年嘅賓主關係，相當重視。
