同你吟一吟
應釆兒醒過 Yumiko
2012年10月11日下年會同化妝師男友 Andy結婚 嘅 Yumiko，未來老公做老襯前做埋老闆，搞化妝品同美容生意。上個禮拜四（十月四日）鋪頭開張， Yumiko以老闆娘身份現身，仲 call齊圈中老友包括應釆兒、陳小春、謝霆鋒等 嚟撐場。
就快做人妻，但 Yumiko論論盡盡性格依然冇變。試過玩空中飛人甩褲，唱歌甩衫露點，最離奇係早兩個月去泰國同應釆兒擒高影相，叉錯腳成個人碌落斜坡。鑊鑊新奇！ Andy化妝品店開張， Yumiko上上落落招呼客人，又企 響樓梯邊同朋友揮手打招呼，著住迷你裙，樓下 嘅人乜都睇曬！
Yumiko危機意識低處未算低，好在佢好姊妹應釆兒冇被傳染，上落樓梯，全程搵助手貼身緊後，用手揞住裙邊，包冇甩轆。
兩個任揀做老婆，就算惡會嚇走曬啲小三，我都揀陳太。
