探熱針
顧志雅手揸情信 榮文蔚有排煩
2012年10月11日中信泰富前主席榮智健姪女榮文蔚，六月爆出其信用卡遭男模「助手」顧志雅冒簽狂掃 iPad等物品合共逾三十四萬，案件在本週一審結，法官裁定顧志雅欺詐和企圖欺詐共十八項控罪罪成，當場還柙等待本月廿九日判刑。
雖然要入獄受靶，但據知顧志雅還手持多封情信及二人煙韌照在手，隨時掟出街，一拍兩散。而一直當他是老婆「助手」的阮偉文，被記者問到助手變男友時，嬲到立即冚線。近日龜縮無蒲頭的榮文蔚，睇嚟有排煩。
老公扯火
由開審至今，顧志雅都強調與榮文蔚是「情侶關係，不是交易。」無非想為自己脫罪。「係佢俾信用卡我傍身，佢帶我同佢 啲朋友食飯前，佢會俾定張卡我，我負責埋單，佢話：『男人咁樣先有面子同埋大方少少。』」但法官指他毫無節制使用信用卡的態度，違反了榮給他作一般日常消費的原意，手持他人信用卡購物已屬詐騙。判他罪成時，他便露出失望神情，立即低頭眼濕濕。
入冊前顧志雅曾話二人戀情維持了八個月，到分手後，榮文蔚試過半夜三更帶同兩名保鏢到達他住的黃大仙公屋樓下「講數」，「 嗰晚佢係咁打電話俾我叫我落去，我唔想落，因為我同佢已經分 咗手，覺得冇必要再見，佢話如果唔落 嚟佢 哋就上 嚟，我唔想嚇親屋企人，所以落 咗去。」榮文蔚要求復合不果，便立即發難叫他還錢，包括早前答應幫他邀交的數萬元長途電話費等。
「女友」反轉豬肚，顧志雅亦不甘示弱，狂踩對方，「當出糧先陪佢出入 ball場。」又對榮以 baby稱呼他感核突，指她無錢又孤寒，常將他人送的禮物轉送給他。最惹笑是他自爆以「蒲完好攰」為由推卻榮的性要求。老婆被人踩，阮偉文聽到記者問他關於顧志雅由助手變男友，即扯火話：「我無嘢回應。」然後 cut線。
本週一下午四時半，阮偉文亦神情落寞、頭髮蓬鬆步行回家，一個小時後，他坐上七人車直駛中環後一度想落車，但最後原車折返駛回堅尼地道寓所，似避傳媒追訪。
隨時爆煲
榮文蔚和顧早於一○年七月撻著，「 喺蘭桂坊 嘅酒吧，係我一個男性朋友介紹我 哋認識。」顧志雅說。拍拖期間顧志雅衣食住行、吃喝玩樂，通通由榮文蔚包起，二人亦經常外遊，曾同遊北京、上海、日本、英國及西班牙等。最誇張是西班牙之旅，榮文蔚竟然可以五人同行，一邊廂與丈夫、兒子及健身教練同行，另一邊大膽地安排顧志雅入住同一酒店，愛得癡纏。
如今為錢反目，顧志雅裁決前更對本刊說手握多封露骨情書、電話亦儲有大量親密合照及短訊。資料曝光的話，榮文蔚便有大把手尾跟。
男伴逐個捉
婚後的榮文蔚繼續夜蒲，久不久換畫，身邊男伴如走馬燈。
今年 8月 Terence
爆出男模顧志雅冒簽事件後兩個月，榮文蔚被影到跟一名 30多歲，身高六呎的大隻男 Terence Mak一齊返西環縉城峰的私竇。榮亦曾和大隻男在灣仔火鍋店內，二人坐埋同一卡位食足兩小時。
07年 9月 健身男
榮文蔚被影到在中環跟健身教練會面，二人甫見面即興奮手拉手。
07年 7月 楊家誠
她和薛芷倫陪伯明翰班主楊家誠夜蒲 Volar，二人全程咬耳仔，玩到清晨一起飲埋早茶才走。
04年 8月 吳維祺
於中環蒲場 Drop與夜店「天上人間」大股東吳維祺坐大髀、胸貼胸，下體貼下體地跳辣身舞，場面火辣。
03年 12月 猛男陪買
聖誕節正日 揼低老公同個仔，被拍得與一名三十歲出頭的猛男於銅鑼灣百德新街買減價貨，試完買埋十五分鐘搞掂，榮文蔚俾錢，猛男拎衫，然後齊齊上七人車鬆人。
02年 10月 王凱文
與唱片公司總經理王凱文傳緋聞，大劉劉鑾雄更爆「二五仔之後」名媛背老公和唱片公司高層外遊搞出人命，榮說大劉說的不是她，阮偉文亦撐老婆。
