媽咪姐
軟硬陰贏草蜢
2012年11月09日 放大圖片 六指神功
蔡一智右手天生有 6隻手指，呢次佢用左手揸咪，就睇得好清楚！據聞呢類人特別有藝術同音樂天份。咦，又中喎。
「草蜢森巴大戰軟硬 fans演唱會」終於喺周日晚（ 4日）圓滿落幕，跳舞出身嘅草蜢喺尾場更加搏盡，蔡一傑直情跳到企上欄杆，媽咪姐都睇到一額汗！鬥足 12場嘅草蜢同軟硬，最後打和。蘇志威喺慶功宴上就話，蔡一智為兩隊組合嘅音樂攞個平衡，而每晚台上所講嘅心底話都由林海峰寫曬，讚佢兩個係幕後功臣。但話口未完，林狗就喺開香檳時玩嘢，搞到一手都係，再趁機將啲香檳抹曬落蔡一智大髀。嗱，講蠱惑，始終都係靠把口搵食嘅林海峰多計。最終回，媽咪姐判軟硬贏！
放大圖片 蔡一傑操得 fit膽又大，唱唱嚇就衝落台跳上欄杆，好 high！
放大圖片 嚟到尾聲，五子叫現場觀眾開曬手機嘅電筒扮星光，又自己拎部 iPhone出嚟喺台上自拍，有啲依依不捨。
慶功再鬥過
放大圖片 林狗開香檳搞到成手成地泡，蘇老闆、蔡一傑即刻彈開。
放大圖片 點知林狗趁阿智唔覺，一手抹曬啲香檳落佢條褲，仲偷笑㖭！
放大圖片 見拍檔出招，阿葛又將口入面啲香檳嘔番入個樽度， OMG！
