2012年11月9日星期五

疑產後抑鬱　楊思琦自困車廂

2012年11月09日

做人阿媽甚艱難，何況係一個背負住藝人身份嘅單親媽咪？原本錢途大把嘅楊思琦為空心老倌吳帥珠胎暗結，搞到形象一落千丈，無綫年度月曆冇影不特止， BB用品廣告、商場活動都被郭羨妮搶埋，最近仲被指產後抑鬱加劇，需要加藥控制，真係愈窮愈見鬼。

周二（ 6日），未有工開嘅思琦趁住好天氣帶愛女楊卓穎外遊。難得由將軍澳屋企揸車出到去旺角，但佢竟然全程唔落車。即使肚餓，都只係吩咐助手去買街頭小食，係咁意有嘢落肚就算。雖然時間可以磨滅瘡疤，但畢竟事在人為，思琦要走出陰霾，似乎自己要加把勁嘞。

自閉開工

近排思琦忙為遊戲節目《瘋狂歷史補習社》錄影，周日（ 4日），記者喺電視城化妝間撞到思琦，發現佢化妝期間全程戴住耳塞。唉！其實得閒就要聽嚇別人嘅聲音，唔好咁自閉先得㗎！

思琦忙住錄影，當日（ 4日）嘅湊 B任務就由思琦父母接手。有家人支持，相信思琦好快渡過難關。

我哋兩母女要努力呀!（設計對白）