娛聞樂
揚言建主題公園 周星馳靠財技博翻身
2012年11月09日
早排被前女友於文鳳追討 8千萬傭金的周星馳，近年積極炒樓炒舖賺到笑，相反，演藝事業卻愈退愈後。 2010年 2月，星爺出任比高集團（股票編號 8220）執行董事時，揚言 5年拍 10部戲，在國內 3年投資 36間戲院，可惜至今這些承諾仍未能全部兌現。
佔比高逾半股權的星爺，最近又重施口技，與文化中國傳播（ 1060）成立合資公司，擬定 7年內拍 5部電影，更聲言買地建主題公園，計劃多多，即時令比高股價上升。不過一套《新大話西遊》拍近 5年都未上映，依家話 7年拍 5部戲，相信要撻行摩打先得！
《長江 7號》是星爺有份演出的最後一部電影，之後他一直退居幕後，只參與導演、監製工作，就算早前盛傳他會在《新大話西遊》參演一角，可惜最後都只聞樓梯響。
而文化中國傳播的主席董平今年 10月與星爺成立合資公司後，星爺即擬定 7年內拍 5部電影的時間表，更會打造以《新大話西遊》為主題的中國主題公園，希望公園選址於較暖的南方，尤其江浙一帶。星爺的新點子聽落吸引，不過以他旗下比高集團近年的戰績看來，承諾能否實現仍有待觀望。
星爺講 咗一年多的《美人魚》，最後不了了之；揚言在國內 3年投資 36間戲院，直到 9月中只得 6間正式運作；講過 5年拍 10部戲，限時過了一半，但只有一部真人電影《新大話西遊》。「星爺係有好多 project，電影方面佢會掟條橋出 嚟，之後叫 啲編劇度，不過，同佢相熟 嗰班編劇都走得七七八八。依家又話 7年開 5部戲，真係幾難。」
股價向上靠穩
據知未來星爺只會參與電影的投資及監製工作，與他合導《新大話西遊》的郭子健，最後又與他不歡而散。
知情者說：「星爺話就話同郭子健合導，但去到片場只有佢講，郭子健完全冇話事權，就算郭子健要求演員點企點做戲，星爺都唔多同意。雖然星爺有佢 嘅道理，但郭子健就梗係唔舒服。依家套戲拍曬，後期未搞，郭子健都頂唔順劈炮唔撈。」
本刊致電郭子健，詢問星爺是否太霸道，他暗寸回應：「呢樣我唔回應喇。我冇劈炮，而《新大話西遊》搞後期個主導權喺星爺度。」
2010年 2月，星爺出任比高集團執行董事時，曾向外發布他的拍戲及投資戲院計劃，一度令比高股價急升，股價由他入股時的一毫，升至他加入董事局時的三毫四。不過星爺揸弗後，比高股價一度跌至七仙四。今次搵文化中國傳播合資，搞電影及主題公園，看來對比高股價有刺激作用。股價由他十月最低的一毫一仙五，回升至一毫三仙五（本周二收市價）。股價向上靠穩，星爺身家自然回升。學曉將演技變成口技的星爺，看來大可在股壇繼續創造神話。
新不如舊
《新大話西遊》保密功夫做到足，暫時只知舒淇飾演一名俠女，其他角色多為大陸演員，人腳比起星爺多年前的兩集《西遊記》，似乎稍有不及。
胡孟青：兩、三年後 嘅 嘢，點證明？
本刊詢問股評人胡孟青對比高看法，青姐答：「如果純粹炒消息咪值得買囉！呢類股票純粹掟個消息出 嚟，佢目標好明確，不過做唔做到，我 哋係要睇證據！你同我講到兩、三年後 嘅 嘢，點證明呀？電影係好難做分析，要知點樣入帳、 啲支出點樣用，有盈利 嘅話仲要分到俾股東，間公司 嘅投資價值就 喺度喇！當然啦，佢個消息（指比高與文化中國傳播合資， 7年內拍 5部電影）出 咗 嗰日， 啲人聽到星爺，就炒 咗上 嚟……你玩『一日遊』就冇乜所謂！」
唔出鏡就唔掂
周星馳近幾年轉型，參與較多的幕後工作，不過觀眾似乎唔多 like。就算掛住星爺個名，但沒有他演出的電影，票房同口碑都唔多理想。
《龍珠》 唔敢拍續集
周星馳執導及製片的《龍珠：全新進化》，全球票房約為 4億 5千萬港元，帳面賺約 9千 7百多萬，但扣除龐大宣傳費，估計只有微利。加上龍珠迷及原著漫畫家鳥山明大彈，令原定開拍的續集胎死腹中。
《跳出去》
首日收 12萬
《跳出去》是周星馳原創故事，由馮德倫執導、周星馳監製、張雨綺主演，男主角由陳冠希換上立威廉，香港首日票房僅收 12萬，國內票房亦只得 100萬。
《長江 7號》動畫
跌眼鏡
2010年，《長江 7號》動畫電影《長江 7號愛地球》上映。動畫版由星爺製片，又有張栢芝同囝囝 Lucas合唱主題曲，但最終國內票房只得約 1700萬，與上映前外界預測的 3億票房，相距甚遠。
