媽咪姐
郭晶晶有樓揸手
2012年11月09日
周四（ 8日）霍公子霍啟剛就會同國寶郭晶晶註冊結婚，然後輪住喺南沙（ 10日）同香港（ 11日）大宴親朋，仲會放埋煙花㖭！
不過，講到尾，擺酒係俾人睇嘅，做女人始終都係有嘢揸手最實際。好似媽咪姐前排去咗晶晶嘅老家保定走一轉，嗰邊嘅闊太 friend就話我知，據聞準霍太喺石家莊附近嘅龍鳳湖淵明源豪宅區，有一座別墅，四周環境好清幽，恍如置身歐洲㗎。睇嚟都係霍公子將金屋贈佳人啦！
不過國寶新娘貫徹低調作風，全屋落閘拉簾，得閒先去度嚇假。都啱，有時間不如跟實霍公子，話曬好多人都爭住入豪門㗎。
