上流滙
科學園設研究所 徐淑敏即製天然美
2012年11月09日
兩女之母徐淑敏，懷孕期間經歷不少皮膚問題，因而開始利用天然材料調配自家護膚品，更出書寫專欄分享護膚心得。近日她索性加入美容戰團，豪擲 7位數字搞天然護膚品生意。眼見近期科研美容產品經常出事，於是她特別謹慎，聘請醫學團隊，於科學園設研究所調配。「我 哋喺網上收到 order先會調配護膚品，每日限出售一百件。今次用我嘅名譽做賭注，不容有失。」
眼前 28歲的徐淑敏皮光肉滑，但原來她懷孕期間試過全身又紅又痕，她說：「我佗住細女 嗰陣，皮膚出現好多敏感反應，又唔敢食藥搽藥膏，驚個肚受影響。我惟有用 啲天然材料，好似牛奶、蜜糖等去護膚，點知效果好好。之後開始睇書研究同進修，學做一 啲冇防腐劑 嘅護膚品。」
細女乳房脹大
研究期間，徐淑敏驚見當時只得八個月大的細女黃心柔乳房突然脹大，出現早熟徵狀，她心急如焚，即時四出尋找原因。「細女 喺我停 咗人奶之後，有段時間乳房脹大 咗少少，屋企人好擔心。後來發現原來佢食 嘅 嘢有雌激素，令佢有早熟反應。除咗食物，其實好多護膚品都有，當中含抗老成分嗰啲仲特別多，因為入面需要荷爾蒙先令我 哋變得更靚。但我發現呢樣 嘢有害，除 咗令小朋友早熟，仲會引致 cancer，令我有決心成立自家品牌。」
搵魚做測試
早前，徐淑敏帶記者參觀位於大埔科學園的護膚品研究所。成立於 01年的科學園，是香港科技研究基地，當日她向記者講解調配護膚品的過程。為求產品安全，徐淑敏原來聘請了醫學團隊，將一般用作檢測藥物的方法，來研製護膚品。「研究所 嘅魚比人類嘅皮膚敏感好多，可以當人體皮膚去測試，如果啲魚發光度數過高，代表有 啲成分可能對皮膚有傷害。雖然咁樣研發係好貴，但呢個步驟太緊要，所以值得投資。依家好多護膚品都有添加劑，而香港又冇管制激素含量 嘅條例，長期吸收會好危險。」
由於護膚品需要在科學園研究所調配，標榜新鮮製造，所以不能大量生產。「為 咗質量好，我 哋收到 order先會調配，每日限賣一百件。」徐淑敏初步先搞網上生意，定價由二百五十至一千蚊。記者粗略計算，倘若每日成功售出一百件，扣除科研成本後，其實冇乜肉食，她說：「做生意預咗要守，希望一年後可以回本啦！」
DNA護膚
徐淑敏諗頭多多，將與科學園的科研檢測公司合作，用近似雪條棍的儀器，放入口腔輕力刮數下提取客人的基因，徹底了解天生的膚質後，再為客人調配專屬的幹細胞護膚品。「呢個方法可以預防過敏，睇你抗氧化能力、排毒功能同基因修復等，有好多荷里活影星都用緊。」但由於成本過高，所以此方法最快明年才實行。
魚仔試雌激素
研究所通過魚仔測試毒素，鯖鏘魚專門用作測試雌激素。研究所內就設有多個魚缸，載滿這批鯖鏘魚。
即場推介
徐淑敏向記者示範測試過程後，便即場推介其皇牌產品，手上的修護精華由白玫瑰提煉，她稱能修補皮膚底層細胞。「此產品只有精華油同護膚水，冇 cream，因為要加入防腐劑先做到 cream。」
發光即出事
當鯖鏘魚攝取過多雌激素，螢光顯微鏡上會檢測螢光綠蛋白發光亮度。世界衞生組織建議，每千克體重只可攝取 50納克的雌激素。所以雌激素不能攝取過多。
無菌入樽
全部產品研製後，都要經過測試，而入樽過程會在無菌的研究所進行，只有科研人員才可入內。
四日收貨
護膚品網站於周四（ 8日）開售，顧客訂購後，產品即時於研究所研製，四個工作天內送貨。記者試用網站後，發覺購買過程尚算簡易，產品一目了然。
