2012年11月9日星期五

女神大不同

2012年11月09日

近日秋風起，媽咪姐行出行入都即時著多件衫。作為女神嘅苟芸慧，早前大發「封胸論」，梗係藉機收埋咪咪。另一女神高海寧，反而無懼秋風，照舊低胸背心益街坊。兩個女神兩種態度。

苟芸慧行完街同助手等保母車，其間佢係咁整理袋中嘅物件。

性感無非都係博上位啫。既然上咗位，冇理由繼續露肉。深明此道理嘅苟姑娘，早幾日喺銅鑼灣行街，一身深色密實打扮，毫無睇頭。好彩佢動作多多，一時篤電話，一時嘟嘴，宅男應該唔會失望。

執拾完，架車仲未到。苟姑娘無聊到同助手研究背後嘅廣告牌。

等了又等，架車仍然未到。苟姑娘於是攞部電話出嚟篤篤篤。

過咗大概 10分鐘，保母車終於到。企到腳軟嘅苟姑娘一馬當先上車。

苟芸慧、岑麗香等女神相繼崛起，面對如斯強敵，高海寧自然不敢怠慢。之前萬聖節，佢穀胸扮希臘女神。早排行街，佢隨便一件背心，已經盡顯魔鬼「濕柴」。媽咪姐梗係唔拘啦，不過家下流感咁勁，都係披番件衫，小心身體為上！

天氣轉涼，但高海寧依然背心上陣，雖未至於胸湧，不過都夠曬養眼。

早排演藝人協會搞嘅萬聖節 party，高海寧同呂慧儀穀胸上陣，被曾志偉調戲，場面搞笑。

咪當我冇到呀妹妹仔！(設計對白)