出外埠
鳥叔犯禁
2012年11月09日
紅爆全球嘅鳥叔，最近觸到黴頭，黑氣纏身。繼近日爆出 35歲 嘅佢同「少女時代」成員、 22歲 嘅允兒搞婚外情，仲話鳥叔老婆都知，但為保家譽而啞忍。真假難辨，不過就講到似層層。日前佢喺加拿大又再犯禁。
話說上星期，佢去 咗多倫多做宣傳，休息時， 喺禁煙區吸煙不特止，仲寸到戙正 喺貼 咗「禁煙」標誌牌度吸 㖭。結果引 嚟韓國網友批判，有人話﹕「紅人啊，小心行事，千萬別丟韓國人的臉。」有人就寸爆﹕「不愧係國際巨星，做甚麼都可以。」
原來鳥叔有鋪集郵（名人）癮。最近佢又大曬同史提芬史匹堡（右）及 twitter始創人 Jack Dorsey嘅合照啦。
