媽咪姐
張曼玉農婦手
2012年11月09日
上周四（ 1日），群星出席香港 Burberry嘅旗艦店開幕活動，場面鬼咁墟 冚！好似張曼玉，自早前承認同拍拖多年 嘅建築師 Ole分手後，極少公開露面，今次都專程由北京返港撐場。唔知係咪少咗愛情滋潤，一向瘦底 嘅佢，明顯比之前更乾。影後除咗 keep住毛茸茸嘅「髮菜頭」外，手背 嘅皮膚都乾到皺曬！呢種淩亂不羈得唔得，真係見仁見智囉。
反觀被封為「中國第一小生」 嘅黃曉明，出曬名 chok爆，一出場就狂擺招牌甫士。被問到同女友 Baby嘅戀情係咪逐漸浮面 嗰陣，就含羞答答咁。媽咪姐仲發現佢面上嘅酒凹形狀奇特，祖國嘅奇人奇事確係數之不盡！
