媽咪姐
Instagram洩蜜 張敬軒、關智斌疑似歐遊
2012年11月09日 放大圖片 依家感情生活好好囉！（真實對白）
軒仔歐遊完容光煥發，仲話末日前已經冇乜遺憾，咁不如考慮嚇末日前公開戀情，接受大家祝福仲好啦！
早排有人話俾媽咪姐知，見到張敬軒同關智斌（ Kenny）蜜遊巴黎！本來媽咪姐都唔信佢哋一齊㗎，點知喺 instagram見到軒仔 upload咗好多法國靚相。事有湊巧， Kenny雖然冇交代自己身處何方，但都上載咗幾張遊埠相，背景同樣充滿法國風情。
其實 Kenny為避開耳目，上個月 27日獨自一人返港先。隔咗幾個鐘頭，軒仔就喺 instagram呻，話自己一個人喺酒店食飯，時間上同 Kenny完全脗合。
早幾日軒仔出席活動，媽咪姐打蛇隨棍上，問佢係咪同 Kenny歐遊？佢無正面回答，不過嘴角含春叫媽咪姐自己問番 Kenny喎。唏，問乜鬼吖，佢個樣春風滿面成咁，唔問都知答案啦！
放大圖片 軒仔同 Kenny（紅圈）經常被影得出雙入對，關係像霧又像花，早前一度由密友變為普通朋友，如今一齊歐遊，似乎已經重修舊好。
互曬法式風情
放大圖片 Kenny擺咗張 chok爆相上網，暗示自己 喺法國左岸，軒仔就即刻留言笑佢係「阻掟」，連網友都笑佢哋成日公然打情罵俏咁話。
放大圖片 軒仔其後亦上載巴黎鐵塔嘅相，明顯同 Kenny一樣身處法國。
放大圖片 歐遊咗一排， Kenny率先返港，「被留低」嘅軒仔表示得一個人食飯，言詞間似乎有啲寂寞。
放大圖片 上月 27日， Kenny一個人由法國返港，一落機即刻係咁 㩒電話向軒仔報平安。其實咁癡纏，點解唔一齊返 嚟香港呢？
