媽咪姐
鄧健泓情傷 前度李詩韻風騷
2012年11月09日 放大圖片 Hi，我依家去 high-tea囉！（設計對白）
外間一致睇好有機結婚嘅鄧健泓同龔嘉欣，但拍拖兩年最終都要分手收場。
不過有人愁自然有人喜，好似當年被鄧健泓飛嘅李詩韻，近年身邊男伴車輪轉，仲要個個非富則貴。上周四（ 1日），媽咪姐就喺中環撞到佢同一名圈外高大猛男喺中環 happy hour，佢發現記者後，仲擺出勝利嘅笑容，慌死大家唔知佢家陣有幾風騷咁。其實媽咪姐近日不時喺中環發現李詩韻蹤跡，仲影到佢去地產舖㖭！睇嚟佢為咗結識名門望族，不惜揼錢置業，躋身港島半山區。呢個女人真有計！
放大圖片 李詩韻揸住架火紅 Audi，載住高大猛男到中環嘆咖啡。眼利嘅佢一停低架車就發現記者，於是叫男伴單拖入餐廳先，自己就留後同記者 say hello。
放大圖片 鄧健泓同龔嘉欣分手，官方嘅分手原因係性格不合，其實媽咪姐一向認為呢個分手原因係廢話。
放大圖片 記者當然繼續跟落去。點知李詩韻唔黑面不特止，仲帶記者落中環蘇豪區，喺餐廳上認真咁刨新劇《法網囂雄》劇本。咦！演技唔錯喎。
放大圖片 早前記者發現家住美孚嘅李詩韻，現身灣仔某地產舖。之後職員向李提水話有記者，佢即刻行出嚟同記者講：「我連樓都睇埋㗎喇喎，你哋仲跟落去呀？」
