娛聞樂
林子善半年開分店 爆鄭嘉穎背後泵水
2013年01月11日
在劇集《怒火街頭》拍住「 Law霸」鄭嘉穎而成功入屋的林子善，去年 8月與友人合資 120萬在大坑開冰室，由於經常有明星幫襯，變相做埋宣傳，短短 5個月已賺超過 50萬。林子善決定食住條水，在灣仔春園街再開分店。
據知林子善今次豪擲 150萬做大股東，幕後大老闆其實是鄭嘉穎。與林子善以兄弟相稱的鄭嘉穎，私底下泵水 100萬給契細佬開分店，仲同林子善講：「賺到錢先俾番我啦，唔急！」對於年賺過億人仔的鄭嘉穎， 100萬都係面 嗰浸啦！
《怒火街頭》飾演米佐治一角彈起的林子善，早前拒簽無 綫經理人合約做「親生仔」，被雪藏冇劇拍，去年 8月轉戰做冰室老闆。由於林子善在圈中人緣好，不少明星好友經常到冰室幫襯，而他亦常在舖面斟茶遞水做生招牌，結果冰室生意比預期中理想，開業短短 5個月扣除營運成本，已賺 50萬，故他決定在灣仔開分店。
肥水不流別人田，林子善當然想做大股東賺到盡，不過事業剛起步的他資金有限，要現兜兜拎百幾萬 cash出來的確唔容易。據知林子善得到鄭嘉穎仗義泵水 100萬，令他可成為大股東。鄭嘉穎自從拍內地劇《步步驚心》走紅後，身價由 20萬人仔一集，跳至現時逾 40萬一集。近日他又以 1,200萬人仔接拍了一個內地電訊廣告，跟天王級的劉華睇齊，埋單計數去年已賺近億人民幣。
無條件幫契細佬
錢多冇碇使，鄭嘉穎毋須考慮就俾 100萬林子善開分店。據知情人士透露：「子善早前同冰室拍檔籌備開分店，投資金額會多過上次。嘉穎知道佢唔夠錢做大股東，就主動俾 咗 100萬子善。咁大筆錢，子善最初拒絕 咗，但嘉穎講到明純粹幫兄弟，叫佢賺到錢先還，仲話唔想出面。佢 哋拍《鐵馬尋橋》時同馬國明、唐詩詠契曬做兄弟姐妹，個個叫嘉穎做大哥。依家大哥 喺大陸拍套劇都袋千幾萬，佢真係好照顧呢個契細佬囉！」
大老闆上身
有鄭嘉穎背後泵水，林子善更加緊張新舖。習慣親力親為的他，周二（ 8日）到灣仔新店巡視，為翌日（ 9日）開張作最後準備。現場所見，林子善在舖內行來行去，既搬 枱又搬 櫈，似乎對舖面陳設還未滿意。搬完一輪又拎起掃把狂掃，對店內衞生要求奇高。
對於鄭嘉穎泵水注資開分店，林子善沒有否認：「大哥（鄭嘉穎）成日問我夠唔夠錢使，話要借錢俾我，哈哈！（佢係咪俾 咗 100萬你，叫你賺到錢先俾番佢？）總之佢好照顧我 哋幾兄弟姐妹，我會努力工作，唔會令佢失望！（係咪出年同女友結婚？）冇錢點結婚呀！依家搏老命搵緊，有錢咪可以搞大佢囉！唔係搞大個肚，係搞大個婚禮呀！」林子善有貴人扶持，不出半年就連開兩間茶餐廳。之不過依家 啲舖租咁貴，希望佢頂得住，生意滾滾啦！
新店投資 300萬
林子善投資的「龍鳳冰室」再在灣仔開分店，市道低迷下還能逆市擴充，單單租金已經比大坑總店貴一倍，開業成本亦由 120萬增至 300萬，真係生意難做。
租金加按金： 80萬（每月 20萬× 4，三按一上期）
裝修費： 40萬
煮食器材及食具： 85萬
水電及其他雜費： 15萬
人工： 30萬
食材入貨： 40萬
保險雜費： 10萬
總數： 300萬
.[忽然1周]林子善半年開分店 爆鄭嘉穎背後泵水
http://veryy8.blogspot.com/2013/01/1_7712.html
