2013年1月11日星期五

[忽然1周]愛您一生一世

博出位

愛您一生一世

2013年01月11日

上星期五又一個全城矚目嘅日子「 2013.1.4」(國語：愛你一生一世)出現，一雙一對當然好期待呢日。同三嫂恩愛到爆燈嘅三哥苗僑偉，整咗張合成相放微博，有當年結婚加最新咀嘴相。咁有心思，邊個女人會唔冧吖？

甩拖冇耐嘅胡杏兒同龔嘉欣亦唔怕觸景傷情，喺呢日大方留言。希望佢哋喺下一個可以曬恩愛嘅好日「 2013.5.20」(國語：愛你一生我愛你)，有好消息宣布啦！

苗僑偉

愛足 30年

放大圖片

當年戚美珍喺事業高峰期嫁俾三哥苗僑偉，咁就幸福咗三十幾年。今時今日，三哥嘅冧女技巧有增無減。

黃日華

傳統好男人

傳統男人黃日華呢日晨早送花俾老婆，之後再喺微博 post相，同老婆梁潔華及囡囡黃芷晴大講「我愛你」。佢唔止係好老公，仲係好爸爸。

放大圖片

應采兒

愛的剪影

應采兒同陳小春呢一對，一個貪玩一個爛玩真係天造地設，喺呢個咁特別嘅日子，佢哋影咗啲好 sweet嘅相大曬恩愛，有鬼馬解放軍照又有愛的剪影。祝願佢哋快啲造人成功啦！

放大圖片

黃曉明

手指示愛

之前 Angelababy不停喺微博提起海綿蛋糕，今次終於到真正嘅曉明大哥出鬼主意喇！雖然只係睇見兩隻手指咁大把，但經過黃曉明用心思加工，好明顯係想藉住呢張相示愛，甚至求婚啦！

放大圖片

龔嘉欣

婚紗背後

舊愛鄧健泓搭上豬扒港姐張嘉兒，龔嘉欣喺「 201314」當晚上載一張婚紗相，仲有一段真人錄音：「依家已經係 2013年 1月 4號，國語即係『愛你一生一世』，其實都幾得意嘅日子，所以 post咗張婚紗相送俾大家。又係時候講 good night......」想當日佢同鄧生已到談婚論嫁地步，有啲婚紗背後 feel喎！

放大圖片