搜尋此網誌

2013年1月11日星期五

[忽然1周]201314收樊少皇戒指  JJ:唔排除好快結婚

情侶裝打扮 <br><br>上周五( 4日),樊少皇在廈門趕拍電影《一觸即發》,難得有兩日假即漏夜返港,為女友製造驚喜。周日( 6日), JJ同樊少皇在將軍澳拍拖,更齊齊戴住黑框眼鏡及帽子,以情侶裝上陣。


滾熱辣

201314收樊少皇戒指  JJ:唔排除好快結婚

2013年01月11日

去年 8月, 30歲宅男女神賈曉晨( JJ)驚爆與 39歲「力王」樊少皇拍拖,跌到一地眼鏡。之後樊被指有「正室」兼有杭州女友, JJ慘變「小四」,樊少皇隨即發聲明強調未婚,向 JJ大派定心丸。

據知近月在大陸狂拍劇賺人仔的樊少皇,一直希望儲多個錢,盡快迎娶 JJ。本刊收到消息,上月中樊少皇秘密向 JJ求婚成功,二人將於明年結婚。而在上周五「 201314」(普通話:愛你一生一世)的大日子,準新娘更在微博上載一戒指相。 JJ接受本刊電話訪問,亦不諱言:「唔排除好快結婚。」睇嚟好快要叫佢做樊太。


曬幸福戒

上周五( 4日),賈曉晨在淩晨上載一張戒指相,還留言問:「你在做什麼...」不少網友都問她是否好事近。

婦唱夫隨

JJ上載完戒指相,同日樊少皇亦放上心心相,並留言:「祝幸福快樂!」肉麻傳情。

上周五( 4日)寓意「一生一世」的日子, JJ忽然上載了一張銀戒指相上微博,並留言:「 201314……你在做甚麼……」,身處廈門拍戲的樊少皇,亦放上一張心心相說:「 201314……祝福快樂」。 JJ在敏感日子毫不避忌肉麻傳情,全因樊少皇日前已向 JJ求婚成功。

放大圖片

任影唔嬲

兩人在將軍澳板前壽司食午飯,即使見到記者, JJ亦只笑笑口手指指,向男友撒嬌。

放大圖片

高調繑手

早前,有傳媒拍得 JJ與樊少皇行街,兩人黑面發火,樊少皇更護花鬧記者。但周日 JJ大方在記者面前繑著樊少皇的手行商場,足證兩人感情穩定,打風都打唔甩。

跪地求婚

放大圖片

樊少皇上周五( 4日)漏夜搭飛機返港,翌日即陪女友到圓方行街 shopping,爭取拍拖時間。

雖然樊少皇和 JJ僅拍了半年拖,其間樊更先後被揭有正室陳少霞兼育有一對仔女,但經樊少皇多次努力箍煲後,縱使外間一致不睇好, JJ卻逆眾而行,對樊少皇死心塌地。

知情者透露:「 JJ真係好鍾意少皇。不過佢份人好冇安全感,男友唔喺身邊,佢會狂 send微訊俾少皇。好似早排少皇上青島拍戲, JJ都專登飛上去做貼身女友。少皇知 JJ介意自己有仔女,所以拍拖唔夠兩個月,就向佢求婚。不過 JJ覺得佢未夠誠意拒絕咗。」

本刊收到消息,上月中樊少皇拍完劇專登回港,帶埋戒指跪地向 JJ求婚,終於打動 JJ應承下嫁。據知,由於二人同樣喜歡小朋友,加上 JJ已屆 30歲之齡,為免太大年紀佗 B,因此二人有共識,打算過完蛇年呢個盲年之後,馬年便結婚,及早生 B。

陪足兩日

放大圖片

樊少皇和 JJ拍拖初期,男方被爆出有老婆陳少霞和一對仔女。去年 10月,他被拍得與陳在中環攤牌。據知樊少皇自與前妻會面後,便沒有再聯絡。圖片

二人在「 1314」微博傳情同時,原來樊少皇當晚已靜雞雞由廈門坐飛機返港,為女友製造驚喜。難得相聚,二人即爭取時間甜蜜拍拖。上周六( 5日)晚上, JJ與樊少皇現身圓方商場,流連近一粒鐘。雖然他們沒有斬獲,但面上卻泛著幸福笑意。其間,兩人發現記者, JJ表現風騷,更甜笑向在場傳媒揮手。一向火爆的樊少皇亦未有阻撓記者拍照。翌日( 6日),本刊再拍得兩人在 JJ屋企開車出發,到附近商場食壽司。

直認收戒指

周二( 8日),本刊致電 JJ,她語帶興奮地說:「少皇喺內地拍緊戲,咁啱有兩日假,特登飛返香港陪我。」對於上載婚戒,她笑笑口說:「少皇係有送過戒指俾我。其實佢仲有送手袋、頸鏈嘅禮物俾我,對我好好。」提到樊少皇向她求婚,她亦承認:「喺我哋最唔開心時(爆出樊少皇有老婆有仔女),我喺佢面前不停喊,好想放棄呢段感情。當時佢有幾次同我講過結婚,最近佢亦都有講。(係咪應承下年結婚?)到時再話你知,總之我唔排除好快結婚囉!」就快做樊太,難怪以往俾記者撞破拍拖即時黑面的 JJ,今次笑得咁冧啦!

承認男友求婚

遭記者撞破拍拖, JJ依然無損心情。當講到二人好事近時, JJ亦坦言男方曾向她求婚。

賈母接受

拍拖初期, JJ身邊朋友及母親都反對她與樊少皇行埋。當時, JJ母親更從山東到港陪她。事隔半年, JJ表示父母都已接納男友。樊回港時,亦住在她的家。



.[忽然1周]201314收樊少皇戒指  JJ:唔排除好快結婚
http://veryy8.blogspot.com/2013/01/1201314-jj.html
Related Posts Plugin for WordPress, Blogger...