主頁>娛樂圈 >娛樂追擊>一王五後真人騷 杜汶澤睇艷舞睇到眼凸
近年杜汶澤都可以話係艷福不淺，繼於《低俗喜劇》中和飛釘陳靜(DaDa)有多場對手戲之外，於新作《黑色喜劇》中煞科一場，阿澤更上演一王五後真人騷，閂埋門享受鋼管艷舞。導演錢國偉(肥Wilson)於大前晚就安排五個身材惹火的天使妹，於飾演魔鬼之子的阿澤面前跳艷舞。埋位前，肥Wilson跟阿澤拿著道具鹹書研究，大講有味笑話，音樂一響起，著上比堅尼的四大索女即時在阿澤面前跳艷舞，而周麗欣就負責跳鋼管舞，擘腿倒吊任睇唔嬲，阿澤都睇到眼都凸埋，阿澤更陰陰嘴笑說：「唓，魔鬼之子屋企係咁啦，有人跳艷舞好出奇咩？」
劇情講述飾演魔鬼之母的邵音音到訪兒子家說教，音音姐突然玩爆肚，一句：「做魔鬼要日行一『賤』呀，仔！」隨即笑爆全場。
繼旺角鬧巿玩泡泡浴後，肥Wilson又有好帶挈，大前晚安排五個身材惹火的天使妹於阿澤面前跳艷舞。
負責跳鋼管舞引誘阿澤的天使周麗欣，身體柔軟度極高，仲very nice擘腿倒吊任睇唔嬲。
埋位前，肥Wilson跟阿澤拿著道具鹹書研究，大講有味笑話。
杜汶澤近日艷福不淺，繼這部多女圍的電影《黑色喜劇》外，緊接有以飛虎隊召妓為題材的《飛虎出征》及自導自演的《爛滾夫鬥爛滾妻》，DaDa、周秀娜逐個上同阿澤合作。
.[東周刊][娛樂追擊]一王五後真人騷 杜汶澤睇艷舞睇到眼凸11/01/13
http://veryy8.blogspot.com/2013/01/110113.html
