搜尋此網誌

2013年1月11日星期五

羅仲謙「染黑」 梁烈唯捱出頭




羅仲謙「染黑」 梁烈唯捱出頭

羅仲謙遭「染黑」恨被定型

古惑仔的經典角色陳浩南重出江湖!偶像出山,浩南不再是鄭伊健,換上年輕大隻男羅仲謙,因此不斷有人比較,謙仔卻非常樂觀,望一眾古惑仔迷可以給予空間去觀賞新古惑仔,同時亦恨被「定型」,可以證明演出成功。



羅仲謙學人食煙行古惑,直言壓力甚大。

藝人羅仲謙在新片《古惑仔:江湖新秩序》中飾演經典角色陳浩南,陳浩南差不多就是鄭伊健的代名詞,現在謙仔被欽點演出,令經典重現,笑言不知箇中原因:「一接到王晶電話嗰陣好開心,之就後開始擔心,因為有壓力!」

謙仔說這部戲的陳浩南不再英雄主義,反而非常真實和人性化:「陳浩南咩都唔做得,唔會再勇字當頭,仲係怕死嘅,唔再係打橫行,始終個社會唔同曬!」飾演這個非常壓抑的浩南,令謙仔羨慕梁烈唯飾演的山雞:「山雞個角色可以無限放大,冇任何框框,好大發揮。」

食煙食到嘔

一直形象陽光、健康的謙仔,笑言望影片將他「染黑」,演此角色除了精神壓力,身體亦備受折磨:「我由唔識食煙到依家學識食煙,試過一場食咗一包煙,食到反胃成個人暈暈哋,黃膽水都嘔埋出嚟!」

謙仔會否怕因而被定型?他說:「可能某一日我會話畀人定咗型係慘吧,但呢一刻我話畀你聽我好想,因為定型代表套戲成功,希望喺街有人叫我陳浩南。」

謙仔期望新片票房大賣,更呼籲鍾意古惑仔的觀眾,可以畀少少空間去睇新的古惑仔:「藝人需要機會,希望大家畀機會我哋。」

攝影:吳文聰

鳴謝:帝盛酒店

化妝:Leo@Annie G Chan Make up Centre

髮型:JanChiu@Il Colpo

服裝:izzue

梁烈唯省靚招牌捱出頭

出爐「飛躍進步男藝員」梁烈唯雖然名成利就,回想未紅時,唯唯試過「我不知他是誰」而被人看輕的滋味,不過今非昔比,唯唯除了被觀眾認同外,現時出街不時被途人喚出名字、邀請合照,認真威水!



梁烈唯現時出街,不時會被途人叫他在劇中的名字及邀請合照。

梁烈唯(唯唯)入行超過十年,終於捱出頭,在台慶頒獎禮中以大熱姿態勇奪「飛躍進步男藝員」,事業穩步上揚的同時,他不忘曾被人看輕的經歷:「有一次同張智霖食飯,點知畀人影咗,跟住篇報道以張智霖友人嚟形容我,其實我都拍咗戲一段時間,係圈中一分子,但原來係冇人識!」



唯唯未紅時,因活動保安認不出他作出攔截,令他氣結。

遭保安攔截

又有一次,唯唯參與劇集宣傳活動,當他進場時竟被保安攔截,他說:「我想行入去嘅時候,個保安截住我,我同佢講去做宣傳,佢反問我做乜嘢宣傳,當時我好嬲,不過佢係唔認得我都冇辦法!後來我明白到原來人哋唔識我都係一種動力,咁我就努力啲,只要唔放棄,就會有成功嘅一日。」

現成街粉絲

默默耕耘唯唯終於有美滿的收成,實在可喜可賀!現在唯唯出街即時被市民認出,有時更會邀請他合照:「自從《缺宅男女》播出之後,真係多咗好多人認得,到今時今日仲有人嗌我『關二哥』。後來播出《飛虎》之後,發覺自己其實都型得起,除咗叫我『阿源』之外,啲人仲會主動搵我影相!不過依家我去旺角,有啲青少年就會叫我『山雞』,你話一個角色對一個演員嘅影響幾大!所以令我更加覺得,如果自己喺條街度,都會好behave,希望可以對喜歡我嘅人做個好榜樣!」

文:專案組

攝影:司徒國榮

服裝、場地:Chocoolate@銅鑼灣



.羅仲謙「染黑」 梁烈唯捱出頭
http://veryy8.blogspot.com/2013/01/blog-post_8201.html
Related Posts Plugin for WordPress, Blogger...