搜尋此網誌

2012年10月20日星期六

[忽然1周]北上溝仔 自爆分居 揭羅霖闊太坎坷實況

矛盾回應 <br><br>本周三( 17日)早上,面龐愈來愈「硬膠化」的羅霖,被雜誌踢爆在北京與年輕男士交往。下午時她如常外出工作,向本刊表示和劉坤銘既是分居但又同房瞓。


滾熱辣

北上溝仔 自爆分居 揭羅霖闊太坎坷實況

2012年10月19日

本周三( 17日),羅霖自爆與丈夫劉坤銘分居 7個月,同日她被揭發在北京瘟花,時間夾得 啱 啱好。

其實夫妻兩人年半前已現婚姻危機。據好友透露,羅霖近年只是表面風光,她曾狂呻,因為老公生意不大如前,兒子的學費也要由她負擔,加上兩人聚少離多,婚姻早亮紅燈。

不過,向來愛面子的羅霖,為了三個囝囝,除了要守住「劉太」的名份,還要繼續與老公上演恩愛騷。但多年來冇樓揸手的她,兩年前已鋪定後路,搵定工靠自己。闊太背後的坎坷可見一斑。

羅霖( Candy)與劉坤銘婚變消息,早在社交圈傳得鬧哄哄,雖然兩人感情大不如前,但依然戮力上演恩愛騷,共住在西半山月租約 4萬 5千的慧苑。上周二( 9日)劉坤銘還攬住羅霖纖腰出席活動。月初兩人為「仁美清敍」建學校齊往黑龍江,亦同房過夜,完全睇唔出分居動機。

其實,羅霖與劉坤銘近年夫妻情淡,但兩個卻經常拍住搵食。據知,劉坤銘近年經常藉太太亞姐的知名度及人緣,在大陸做生意,可惜劉坤銘生意大不如前, 08年更變賣手頭上僅餘的北角屈臣道維多利中心單位,套現 1千 6百多萬周轉,但事業未見起色,兩人經常因為錢銀問題拗撬,感情逐漸破裂。關係最差時候,劉坤銘直情閂水喉,羅霖惟有開始為自己的事業鋪路,周圍撈。

放大圖片

本周三,羅霖被爆北京瘟仔,同日她借報章自爆已分居。

放大圖片

91年闊面

91年奪亞姐冠軍的羅霖,最為人熟悉是 95年拍無綫劇《真情》,飾演雙雙一角,當時她面細細,與現在的刀削面相距甚遠。

放大圖片

新年曬幸福

年初二放煙花,羅霖仍全家出現,一副幸福家庭模樣,但原來兩夫妻已醞釀分居。

放大圖片

十月初羅霖與劉坤銘前往黑龍江出席「仁美清敍」建校的活動時,兩人在人前仍非常恩愛。

撲水交學費

其實,兩年前羅霖與劉坤銘由上海搬回香港後,羅霖已積極投入工作。她曾向好友狂呻家事,自己不但冇樓揸手,連生活費都要靠自己︰「個仔 嗰十幾萬學費,我要自己搞掂,老公又唔理。」好友聽到也覺她可憐。羅霖不放過任何賺錢機會,曾替李彩華接 job及開經理人公司;又傳出她主動向亞視斟拍劇集,更連幾萬元的傳媒公關工作亦硬著頭皮去應徵,可見撲水有幾緊急。

「羅霖兩年前去 咗一間報刊見傳媒公關嘅職位,佢 嚟見工已經係話題,見工 嗰日仲要帶埋老公 嚟。不過好搞笑,佢講到話除咗薪酬之外,仲要廿四小時有專車接送,咁 嘅要求梗係見唔成啦!」

工見唔成,性格主動的羅霖惟有另闢蹊徑。去年開始,她頻頻北上認識富二代之外,又主動與不少美容院接洽做代言,執靚個樣,穀胸現身 ball場搵機會,藉以增加曝光率,亦因此與奶奶鬧不和。

羅霖向身邊友人透露:「奶奶經常向老公投訴,話我衣 著性感,會影響家族聲譽。又話老公做親生意都蝕本,唔肯再泵水俾佢。」雖然婆媳出現問題,但羅霖依然我行我素,積極性感打扮,近半年更頻頻往上海及北京夜蒲,身邊不乏年輕男士埋身。今年初亦與 18歲的亞洲先生林睿傳緋聞,「佢(羅霖)試過一星期上北京兩次。可能係屋企開支太大,同老公又唔開心,個人寂寞,咪搵其他途徑宣洩囉。」知情者說。

放大圖片

8/9送劉坤銘返工

未爆分居前,羅霖扮賢妻送老公返工,而她自己就在中環出席活動。

放大圖片

親子散步

跟住劉坤銘步行到上環信德中心,兩父子沿途有講有笑。

放大圖片

齊齊返家

活動後,羅霖傍晚在中環再上劉坤銘架車,齊齊返回劉宅。估唔到「恩愛夫妻」個多月後就爆分居。

微博頻吐苦水

婚姻失敗,近日羅霖面對鏡頭時雖然已學會面對,不過她在 8月時,亦曾在微博吐過苦水,一時話要學絕情,一時又話有人唔珍惜自己,似乎將婚變 嘅矛頭指向劉坤銘。

放大圖片

19/8人無完美

放大圖片

22/8強忍淚水

放大圖片

23/8學會絕情

放大圖片

27/8癡心錯付

分居卻同房

10月 17日,本刊向自爆分居 7個月的羅霖求證分居一事,她直認不諱,但她認分居但又認同房瞓,唔知邊句真。

記︰你自爆同老公分居 7個月,但今個月仲影到你哋一齊住喎!劉坤銘有冇俾贍養費?

羅︰係一齊住,為 咗仔女!分開都可以同住,太深入問題唔可以講。

記︰周刊影到你喺北京同個男仔繑手,佢係咪你男友?

羅霖沉默不語。

記︰你同老公去黑龍江,都係同房喎!

羅︰係呀……分居唔代表唔可以同房。

記︰報道話你哋共同撫養仔女,之後小朋友跟邊個住?

羅︰未決定呢個問題。

記︰有傳你向教友呻要自己負擔囝囝十幾萬學費。

羅︰(深呼吸)無 啲咁 嘅事,冇一間國際學校要十幾萬學費。

記︰三個囝囝夾埋?

羅︰冇可能,冇可能。

記︰係咪因為經濟問題令你同老公關係變差?

羅︰唔關事,係性格問題。

放大圖片

嫩男埋身

羅霖早前上過北京,夜蒲的她仲同當地 DJ身貼身合照。

放大圖片

羅霖近年不時穀胸露髀現身 ball場,一改以往保守的形象,藉此多些工作。

放大圖片

今年初,羅霖曾帶埋 18歲的亞洲先生林睿出席活動,兩人亦一度傳出緋聞。

認傳媒見工

記︰兩年前係咪見過傳媒公關 嘅工作?

羅︰唔係。其實係佢哋問我會唔會做(呢份工)?我考慮 啫,冇諗過做呢一份工。

記︰咁你又上去公司見,劉生陪你去見 嗰喎?

羅︰係見過(工),不過係 part time……我只可以做 part time……唔可以做全職。

記︰鋪定路自己養家?

羅︰唔係,唔係……我覺得每個人要 keep住做 嘢,要有人生目標,唔係嫁 咗就唔做。依家小朋友已經長大,我想照顧小朋友之餘都要有自己 嘅事業。

做 咗闊太咁多年,樓都冇一層的羅霖,被爆北京瘟仔後,依家連「劉太」個名都保唔住,還要龜縮避鋒頭。本來她以「愛心大使」的身份,於 19日出席「兒童之家」活動,但「瘟仔」新聞一出,她立即取消活動。形象大跌加上經濟緊絀,羅霖可謂境況坎坷。至於劉坤銘,事發後不但再沒返回信德中心的公司,更拒接電話,避得就避!

老公食得慳

羅霖去 ball場一副戰鬥格,反而以「劉公子」見稱 嘅劉坤銘,私底下知慳識儉。好似佢同兒子食 嘢,都只不過係去老麥同連鎖壽司店,相當經濟。

放大圖片

排老麥

9月 8日,劉坤銘同細仔返 咗去位於信德 嘅辦公室,細仔食兒童樂園餐,老竇就食軟雪糕。劉公子為 咗乖仔又要逼又要排隊,果然係廿四孝。

放大圖片

食元氣

9月 7日,劉坤銘同三名兒子去銅鑼灣行 咗一陣電器舖,然後四仔爺去 咗平民壽司店「元氣」醫肚,埋單四百蚊有找。

富貴家族拒泵水

劉坤銘父親劉思仁早年從事飲食業,近年養尊處優。至於劉母蔡雪芳近年活躍樓市,有不少物業更是與劉坤銘的姐妹聯名,惟劉坤銘卻冇份染指家族產業,近年更拒泵水予劉坤銘做生意。



Related Posts Plugin for WordPress, Blogger...