[忽然1周]唐詩詠狼狽回港

媽咪姐

唐詩詠狼狽回港

2012年10月19日

放大圖片

• 上一張
• 下一張

可能因為邦邦浪子回頭，事業又重現起色，搞到唐詩詠都心廣體胖 咗，要 keep keep嘞。

前排「邦女郎」唐詩詠同崔建邦兩個人去泰國旅行，咁媽咪姐收到風，就梗係諗住去接下機啦，點知佢 哋兩個鬼咁醒目，分別 喺唔同出口返港，搞到媽咪姐淨係「招呼」到唐詩詠。

放大圖片

的士大佬見唐詩詠得一個人，都仗義相助幫佢攞行李，唐詩詠至冇咁頭痕咋。

不過，最辛苦就係唐詩詠 嘞，事關冇 咗邦邦，要一個人拎一個大行李 喼同手袋，嬌滴滴 嘅佢推住車仔都好吃力。其實佢兩個關係點，牛頭角順嫂都知 㗎啦。如果因為咁搞到唐詩詠整親，邦邦你又於心何忍呢？事後媽咪姐問邦邦，佢都認有同唐詩詠去泰國，都算佢坦白啦！