媽咪姐
攞你命亞姐
2012年10月19日
一向冇乜底線嘅亞視從來都以騎呢取勝，周一（ 15日）又 喺總台搞咗個「亞洲小姐」港澳賽區首次面試。媽咪姐去湊熱鬧時，就到評判嘅羅霖喺正式面試前，齋睇班女仔嘅資料已經打咗好多個交叉！大會話今屆需要「身高」、「智商高」同埋「學歷高」喎，但都要班候選佳麗本身質素高先揀到 㗎！
楊狄珊俾傳媒話皮膚黑似菲傭，自稱做 model嘅佢嬲到震，喺 fb澄清話自己其實唔係想選亞姐。咁呢……但楊小姐你真係去咗面試喎！再睇埋張 profile相，媽咪姐發現網絡「騙案」真係愈嚟愈多呀。
