有排爭 視後鬥票 胡杏兒火拼徐子珊
壹週刊 第1184期
每年台慶頒獎禮，視帝視後獎項都是無綫藝人辛苦一年的目標，今年更大玩創意採用全民普選。試過一人一票選港姐爛尾，無綫高層餘詠珊為免再孭鑊，已落實將投票時間加長變成兩小時，並即場公布票數刺激收視。
無綫當晚會先公布最後五強名單，憑《雷霆掃毒》成為視後大熱的徐子珊，表面與楊怡鬥得難分難解，但最精彩是將會與緋聞男友黃宗澤前度胡杏兒台上較量；至於視帝之選，樂易玲因為要力捧愛將黃宗澤，據知將會犧牲年初憑《 On Call 36小時》出位的馬國明，五強隨時被逼止步。
無綫曬冷騷，企正中間位的楊怡、陳豪、徐子珊、林峯，都是視帝視後大熱。
搏命拉票
雖然一人一票選港姐曾經爛尾收場，但無綫堅持以全民普選方式，選出今年台慶視帝視後。餘詠珊見過鬼怕黑，吸收上次用短短十分鐘全民普選的失敗經驗，今次決定加長投票時間。
「上次選港姐得十分鐘投票搞到電腦死機，今次餘詠珊再玩一人一票，無非想攞番個彩，明知唔衰得，佢都好小心，依家諗緊究竟係一日、半日定係用兩個鐘時間投票，暫時最大機會應該係兩個鐘，喺節目開始後俾觀眾慢慢投。」知情者說。
除拖長投票時間外，當晚頒獎禮更大玩 gimmick，安排入圍五強男女藝人上台，即場公開觀眾投票票數。
「為咗收宣傳之效，無綫每年頒獎禮賽果都會刻意製造高潮，今次俾觀眾投票，一樣有玩嘢成分，依家計劃入圍五強男女藝人，全部要企曬上台，然後現場逐一公布票數，萬一一個唔好彩，票數距離大，對藝人嚟講，都幾無面！所以依家班大熱都好緊張，搏命同 fans拉票，叫佢哋搵埋親戚朋友投票。」知情者說。
被近期人氣爆燈的徐子珊搶盡風頭，胡杏兒已落力向 fans拉票，希望全民普選爭番口氣。
知道被踢出五強，近日馬明向外狂呻，指《 On Call》在年頭播，時間輸蝕曬。
徐子珊與黃宗澤傳出緋聞，又搶走胡杏兒 fans，二大花旦在公在私勢成水火有排鬥。
黃宗澤與鍾嘉欣主演的《護花危情》，暫時收視領先。
在節目巡禮活動上，陳豪最得廣告客戶歡迎，不停被邀合照。
內定五強
今年視後大熱，論人氣有《雷霆掃毒》的徐子珊，力鬥在《名媛望族》中與松哥玩頂鼻咬唇的楊怡，不過好戲在後頭，去年連擸兩個女主角獎的胡杏兒，今年必再入五強，到時將會與傳聞姣溝黃宗澤的徐子珊同場拗手瓜，終極票數肯定引發高潮。
「你話無壓力就假，除咗因為 Bosco，近排杏兒發現有 fans過咗去子珊度，已經唔多開心，兩個其實早有心病，在公在私今次一定唔輸得！」知情者說。
至於視帝五強，食正台慶劇優勢，初步形勢以《雷霆掃毒》 chok峯和《大太監》黎耀祥佔上風，「賺錢王」鄭嘉穎、陳豪亦是五強之選，剩低的唯一名額，雖然外界一致睇好《 On Call36小時》的馬國明，但據知，高層樂易玲為保愛將，決定將馬國明 click走，讓《護花危情》的黃宗澤入圍五強。
點數戰績
今年無綫全民普選視帝視後，如果單以收視點定輸贏，由黃宗澤孭飛的《護花危情》成績的確有機爭贏馬國明，取得視帝五強最後一個席位。
球來球往
每年節目巡禮，花旦、小生落力 sell客，奉命做人肉布景板之餘，低胸肉搏鬥性感，成為每年花旦們的出位指定招數。
人字波
一向有料到的高海寧，當晚以人字波示眾， cup數力壓現場一班花旦。
透視胸
鍾嘉欣從來唔玩性感，當晚難得騷一騷本錢，罕！
估你唔到
陳庭欣呢招中門大開，意外地吸引不少客戶誠邀合照。
左閃右避
成為人妻的呂慧儀，跟疑似名花有主的葉翠翠，齊齊性感示人，但賣肉幅度，比以前收斂咗唔少。
黑乳牛
身形健碩的許亦妮，大曬五吋事業線搭夠，知名度唔夠，唯有靠心穀人氣。
