國台扮
17女星聯手起訴 淫魔李宗瑞踎監 209年
2012年11月15日闊少淫魔李宗瑞單迷姦案，上個禮拜終於開審。
法庭睇曬電腦入面所有性愛影片，發現女主角多達 51人，當中只有 19人在自願情況下同李宗瑞發生性行為。
32人慘墮闊少迷姦圈套，包括名模同主持人，現已有 17人挺身而出指證淫魔，所有罪行加加埋埋，李宗瑞至少要 踎監 209年。
生 咗個淫魔仔，李宗瑞父親李嶽蒼曾被警方起訴佢窩藏罪犯，後來證據不足冇入罪；至於李母史錦秀，每次上庭見到寶貝仔被公審，都會忍唔住落淚。
檢控官陪喊
主理今次闊少案件 嘅女檢察官郭瑜芳，為 咗釘死李宗瑞，足足花 咗半年時間，聯絡片中受害人，安排單對單見面再播放偷拍影片。由於多數受害人睇到片先知自己出事，忍唔住當場崩潰，郭瑜芳自己都係女人，好多時會陪受害者一齊喊，再乘機鼓勵對方出庭作證。
有證人，有證據，所有罪名加加埋埋，李宗瑞要 踎監 209年。控方初步提出至少要判 30年或以上有期徒刑，但李宗瑞代表律師居然話刑罰太重，因為講到尾，佢當事人係自己去警局自首，冇理由判咁重喎。
內庭審訊
放大圖片
同淫魔拍過拖 嘅吳亞馨，有唔少淫片淫照流出，案發到而家仲未敢出 嚟見人，佢身邊朋友話，吳亞馨私下有做公益探訪，情緒已經好番好多，復出娛樂圈係遲早 嘅事，始終佢係家庭經濟支柱，怕手停口停呀陰功。
咁都得出，唔奇，因為影片入面，有受害人清醒後指責李宗瑞，居然俾淫魔鬧番轉頭：「妳為什麼強姦我？」黐孖筋！
李宗瑞其實到而家都唔認迷姦，話個個女人都係你情我願，更有部分人貼錢要求同佢上床。為 咗脫罪，乜都講得出口，而警方為 咗保護所有證人，決定內庭審理呢單案件，萬一受害人被傳召，會安排秘密通道出入，上到庭會坐 響設有單面反光鏡 嘅房入面作供，避免同淫魔有任何眼神接觸，再受傷害。
