同你吟一吟
黃宗澤變裙腳仔
2012年11月15日由黃宗澤同 Stephy孭飛 嘅新戲《等．我愛你》，上個禮拜三晚（十一月七日）舉行首映禮，咁 啱前一晚（六日）係胡杏兒生日，黃宗澤自爆有 send祝福短訊俾舊愛，問到壽星女有咩回應？黃宗澤答得好尷尬：「我自己生日都收好多短訊，但唔會個個都回覆。」即係冇回音啦！
甩拖三個幾月，黃宗澤呻冇女人敢埋佢身，甚至自己套戲首映，亦冇請女性朋友 嚟睇，尤其係「姣神」徐子珊，怕再連累無辜喎！
講到要戒色咁嚴重，黃宗澤當晚只係請 咗阿媽、契媽，仲有無 綫 嘅樂大媽 嚟睇戲，俾人笑係裙腳仔好過再惹新緋聞；至於佢位舊愛胡杏兒，生日要出發去英國法國拍《衝上雲霄 II》，壽星女笑曬逢人攬，仲話觀眾已經聽到厭，以後都唔會再講黃宗澤呢個人喎！
