搜尋此網誌

2012年11月7日星期三

黐脷筋旁白促政府發牌 王維基怒爆電視機

video


黐脷筋旁白促政府發牌 王維基怒爆電視機

黐脷筋旁白促發牌 魔童爆電視

「電訊魔童」王維基申請免費電視台牌照近三年,遲遲未獲發牌,早已招兵買馬日日燒銀紙的他越來越心急,繼早前多番出口術催政府外,昨再度出招,在自己的微博上載一段有關電視台的介紹片,似要藉公眾向政府施壓,不過片中王維基講自己對製作要求最高,偏偏片段的旁白卻黐脷筋,大煞風景。

王維基近日多次在公開活動中就遲遲未獲發牌照向政府施壓,王維基昨日在微博繼續出招,上載了一條逾7分鐘的影片,一開首便有大隻佬出場打爆電視機,擺明車馬心急開新電視台,短片還簡介有黃日華、張可頤、盧海鵬、廖啟智、鮑起靜等超過200位藝人加盟,投資超過30億元,還大曬部份已拍劇集的片段。



王維基在片中講出心底話,再出招向遲遲不發牌的政府施壓。



宣傳片甫開始,演員李嘉用大鐵鎚打爆電視機,以示要突破常規。



城電宣傳片大曬近200位演員,其中張可頤和黃日華(右圖)是該台的一哥一姐。



自知高風險

短片中王維基講出心底話:「我哋希望以認真態度做啲高水準嘅製作,我哋嘅要求係最高嘅,前面嘅路係好難行,可能好艱辛,風險好高,大家覺得可能係冇可能嘅事,我相信未必一、兩年就成功,但我相信專注做十年、二十年係會成功嘅。」

雖然王維基揚言要以認真態度製作高水準節目,要求甚高,但偏偏此宣傳影片做旁白的仁兄卻說話黐脷筋,令觀眾聽得不太舒服,大煞風景。

拒網上播劇

城電遲遲未開台,又有多部電視劇已製作好或製作中,若仍長時間未能開台,會否考慮在網上播劇呢?城電發言人Jessie在電話中說:「我哋最想係喺電視台播,唔希望要網上播,但進一步就話唔埋,好在我哋嘅劇集都冇時間性,通常拍劇都會喺一、兩年後播,所以希望最遲明年可以開台播。」

另有傳王喜之前到美國拍追風節目《挑戰》已在RoadShow播映,但城電否認其事。

採訪:丁寧

上一則:一代宗師四角戀曝光

下一則:安仔Sammi返港同車



Related Posts Plugin for WordPress, Blogger...