FBI
柯震東隔 5碗水攬女
2012年11月07日台灣萬人迷柯震東 孭飛 嘅新片《南方小羊牧場》即將 喺香港上映，上星期柯震東仲專程飛 嚟香港宣傳。
呢套戲講飾演「影印男孩」 嘅柯震東同「補習女孩」簡嫚書由相遇到撻 著 嘅故事。淨係聽個戲名都覺得套戲純過白開水，套戲一開頭係講柯震東對前女友謝欣穎一直念念不忘，千方百計搵舊愛。
至於號稱整部電影裏「最限制級的床戲」，柯震東同謝欣穎側躺 喺床上，男生從後面抱住女生 嘅一場戲，柯震東就非常緊張，只係用手攬謝欣穎，但兩人中間竟然有 5碗水 嘅距離，結果謝欣穎忍唔住同柯震東講：「你是沒抱過女朋友嗎？手放這邊……。」 FBI想問，平時男神攬住蕭亞軒瞓，唔會又隔 5碗水嚇嘛？
