搜尋此網誌

2012年11月7日星期三

[FACE]黐韓氣 韓國搵水泡 栢芝 酒店 夜會 張東健

張東健在《危險關係》中,分別同張栢芝及章子怡有感情戲,但明顯同栢芝 啱傾好多,早前在上海宣傳時,更在台上 冧望對方。


真面目

黐韓氣 韓國搵水泡 栢芝酒店夜會張東健

2012年11月07日
32歲張栢芝自從與謝霆鋒離婚後,要身兼父職邊湊仔邊搵錢,可惜栢芝近年的作品套套仆,由賣座影後淪為票房毒藥。

香港內地唔吃香,栢芝努力開拓海外市場。繼早前與權相佑合作,另一齣與韓星張東健的《危險關係》早前已在韓國上映,栢芝亦頻頻上當地電視節目穀人氣。據知 40歲張東健對失婚栢芝十分照顧,除積極幫對方拉攏媒體訪問,更試過半夜走上栢芝酒店房密斟。不過張東健已有家室,唔好玩得咁埋喎!
放大圖片
首爾 Park Hyatt

栢芝在韓國入住頂級酒店 Park Hyatt,房間闊落, 啱曬傾天光。
2005年拍過《無極》的張東健及張栢芝,相隔 7年再度合作,在新戲《危險關係》中飾演情侶,與章子怡玩三角戀,兩人唔單只有攬錫鏡頭,更有激情床戲。

愈行愈埋

放大圖片
戲中栢芝係張東健的初戀情人,有唔少親密鏡頭,難怪睇到張太眼火爆。
身為「舊相好」、又有親密戲分,「雙張」好快熟絡,栢芝更多次讚對方,「他每個角度對女性來講都有魅力,我看他的眼神會害羞,平常出席活動我都不敢看他,所以媒體誤會我跟他不和!」

被誤會不和,全因二人的確在人前相當避忌。「栢芝同張東健喺片場好似唔識咁,就算兩個有對手戲,一 cut機就會行開,各有各休息,好少傾偈。最初以為佢哋唔 啱嘴形又雞同鴨講,不過最近宣傳期情況變曬,兩個好鬼好傾,去釜山電影節嗰陣,有晚收工,張東健突然話唔返屋企,叫司機車佢去 Park Hyatt,當時栢芝就係住咗喺嗰度,大家都覺得好愕然!」知情人士透露。

正印唔高興

除了 call上門,在韓國有頭有面,今年回歸電視圈拍韓劇《紳士的品格》超紅的張東健,竟主動為栢芝碌爆人情咭,親自聯絡相熟傳媒訪問栢芝,令栢芝短短數月在韓國人氣急升。為答謝張東健,栢芝上韓國電視節目時公然向對方示愛,用韓文大叫「哥哥,我愛你!」

公開打情罵俏,據知已令男方的老婆非常不滿,月前到內地宣傳時,張東健自爆激嬲結婚兩年的老婆高素榮,「老婆看過劇本,她知道這會是一部很好的電影,但作為妻子,她當然不高興我演激情戲!」栢芝不嬲咁惹火,小心啲呀健哥!
放大圖片
返港湊仔

忙完電影宣傳,冇乜新 job的栢芝大把時間湊仔,先帶兩兄弟睇細佬滑水,又帶 Lucas睇草蜢×軟硬尾場。

上節目

多得張東健搭路,栢芝在韓國上了多個綜藝節目及訪問,包括受年輕人歡迎的《 Gag Concert》及連李秉憲等巨星都畀面的《演藝家中介》。
張東健在《危險關係》中,分別同張栢芝及章子怡有感情戲,但明顯同栢芝 啱傾好多,早前在上海宣傳時,更在台上 冧望對方。
放大圖片
哥哥,我愛你!(真實對白)
韓文示愛

女主持話張東健經常向傳媒提起栢芝,栢芝即時用韓文向對方示愛,個樣 冧到呢?
擦張太鞋

主持問栢芝點睇張東健老婆,栢芝即時瞇曬眼狂讚對方靚,「 Very pretty! I didn't met her, but I know, I search in the internet. She is very pretty.」
有問必答

Q:你點睇釜山呢個城市?

C: I love food, especially I love seafood. I love the people, they just like very chill, and then party, and then different kind of movies. So, I learn a lot from Pusan.

Q:你覺得張東健點?

C: He is a very silent, quiet gentleman.

主持全程用英語訪問,喺澳洲讀過幾年書 嘅栢芝亦以英文作答,雖然文法上冇乜大問題,但成日要停頓幾秒先諗到點講,發音又核突,惟有以浮誇表情搭夠!

成功轉「韓」

《危險關係》集合張東健、張栢芝及章子怡三大巨星,但在國內的票房只收 6千萬,計埋《河東獅吼 2》、《影子愛人》等幾套電影全仆!反而栢芝自 01年拍完《白蘭》後被韓國觀眾評為演技派,又連續與權相佑、張東健當地兩位一線天王合作,人氣極高,有望改賺韓圜!
放大圖片
2001《白蘭》

與韓國影帝崔岷植合作,飾演過埠新娘的栢芝,更因此片獲提名韓國電影大鐘獎「最佳女主角」,成功打入韓國市場。
放大圖片
2012《影子愛人》

內地只收 1,600萬,但權相佑貴為韓國神級演員,亦帶挈栢芝有更多韓國觀眾留意。


Related Posts Plugin for WordPress, Blogger...