搜尋此網誌

2012年11月7日星期三

[FACE]唔畀 吳帥 見女 暴瘦 楊思琦 抑鬱加藥

要獨力養家養女,形象事業又插水,要長期幫襯心理醫生的思琦病情不見好轉, 9月被傳媒拍到精神恍惚憔悴。《蘋果日報》圖片


封面

唔畀吳帥見女 暴瘦楊思琦抑鬱加藥

2012年11月07日
女仔人家,一步都唔可以行錯!

無 綫就有個人辦楊思琦,本來公屋港姐出身,身為當家花旦接濟奀茄男友李泳豪 9年都冇嫌棄,純品顧家又專一深入民心。好衰唔衰識著空心老倌、前國家跳水隊員吳帥,珠胎暗結、離棄舊愛、避世生女、最慘係做咗單親媽媽為女回流電視圈搵食,不過經營多年乖女形象毀於一旦,工作少得可憐。

今年 3月誕女後,已經有傳患上產後抑鬱嘅 34歲思琦妹,養女又要照顧父母,事業又一沉不起,壓力爆煲下據悉病情日增嚴重搞到不斷加藥,近月更暴瘦 20磅,肋骨盡現,情況令人擔憂。
楊思琦成為 01年港姐冠軍後,翌年已被無 綫重用擔正拍劇,極速榮升當家花旦,事業發展可謂一帆風順。不過自從去年 6月單方面宣布與拍拖 9年的李泳豪分手,被揭發移情吳帥珠胎暗結,不只成為李家上下公敵,演藝形象亦瞬間插水,死撐冇大肚嘅思琦妹同年 9月遮無可遮,遠走美國避世兼養胎,今年 3月 8日,女兒出世,跟思琦妹姓楊,證實了外間流傳多月思琦妹狠撇吳帥做單親媽媽的傳聞。
放大圖片
楊思琦最後一次與吳帥公開露面是去年 9月,兩個月後思琦獨自飛往美國安胎,已經與吳帥一刀兩斷。圖片
放大圖片
8個月楊卓穎

工作以外絕少外出,收埋自己同愛女大半年的思琦,兩個月前難得出關,帶女兒及母親參加胡諾言長女 3歲生日派對。《蘋果日報》圖片

不相往來

愛女楊卓穎滿月後,思琦妹 4月火速復出。雖然曾經接受訪問時承認單親艱難,據悉,思琦妹堅持不吃回頭草,不與吳帥聯絡、謝絕吳帥經濟資助、並且立定決心不許吳帥與親生女會面。

女兒至今滿 8個月大,湊女工作全由思琦娘家負責,思琦就專心工作養起頭家。娛樂圈偏偏夠現實,形象插水、人緣又差,分手生女事件仲要激嬲昔日疼錫思琦的樂易玲,有指無 綫高層向藝員部落旨,所有媽媽級代言產品及活動,一概撥歸一家和睦、生女後成功洗去「狐」味嘅郭羨妮;出道 11年,思琦妹又首次被無 綫官方月曆飛起;零劇集的思琦妹只剩內地偏遠登台搵銀機會,為生計,賤價出騷都要繼續做,間中獲派主持二三流節目,難為她無悔擔起單親媽媽重任,現實卻事與願違。
放大圖片
自困 3日父母湊 B

上週五( 2日)參與節目錄影後,思琦妹連日足不出戶,要勞煩父母帶孫女在住所清水灣半島附近公園放風。
放大圖片
瘦到見骨

生女後極速收身,現時女兒 8個月,思琦繼續暴瘦,記者查問其體重,思琦妹不耐煩答:「唔得閒磅呀!」
放大圖片
思琦產女回港後,曾經親自接機的樂易玲都公開表示擔心思琦患上產後抑鬱,不過被思琦本人否認。

加藥治標唔治本

根據李寶能醫生表示,抑鬱症分兩種:「第一種係生理因素,係腦神經出現問題,可能係有腫瘤;第二種係心理因素,因為外來事件影響,例如病人嘅感覺、認知等。情緒出現問題嘅病人,本身都控制唔到自己,例如會突然大笑或喊,或者人前人後兩個樣,更有可能連自己有病都唔知。病人食藥控制病情其實係治標唔治本,只會令病情惡化。單親媽媽出現產後抑鬱嘅機會更大,嚴重嘅會有殺死 BB同自殺傾向。」
放大圖片
尖沙咀睇醫生

一直要睇心理醫生又要加重藥量的思琦,據知曾到尖沙咀愛賓大廈求醫。
放大圖片
臨床身心行為學家:李寶能醫生

李家鼎懶理:由得佢啦!

去年,寶貝仔(小圖)李泳豪被楊思琦恨撇後,曾發火鬧爆思琦嘅李家鼎,聽到記者查問反骨女抑鬱一事,佢語氣平靜:「冇聽過咁嘅事,想理都冇用,人哋都唔畀我理,由得佢啦!(仲有冇見面?) 𠵱家喺公司見到面佢都會走過嚟同我 say hello,佢尊唔尊敬我就唔知啦,不過人哋同我打招呼,我咪應佢囉!」
放大圖片
去年 6月思琦單方面宣布與李泳豪分手後,成為李家上下敵人。《蘋果日報》圖片
要獨力養家養女,形象事業又插水,要長期幫襯心理醫生的思琦病情不見好轉, 9月被傳媒拍到精神恍惚憔悴。《蘋果日報》圖片

自困屋企

生女冇耐,樂易玲就公開表示擔心思琦產後抑鬱,建議她求醫。

據知情人士透露,思琦雖然當眾否認有情緒病,其實時至今日病情依然未好轉:「獨力生女條路係佢自己揀,唔辛苦就假!但係思琦好勝,唔想衰畀人睇,表面上睇佢有女萬事足開開心心咁,其實佢又做 嘢又湊女,工作壓力大,仲要 喺人前扮冇事,情緒病根本就冇好番,成日自困屋企,足不出戶。朋友問佢做乜脾氣咁大波動又瘦 咗好多,佢先至承認有睇醫生,最近仲加 咗藥!」
放大圖片
跌價復出

3月 8日產女的思琦,一個月後( 4月 4日)即復出商場親子活動,可惜後勁不繼,代言活動都差同期產子女星大截。《蘋果日報》圖片
放大圖片
曬胸搏盡

產女 2個月後,未收曬身已經泳衣上陣在長隆參加遊戲節目,為賺錢養女,思琪搏到盡。圖片
放大圖片
昔日係當家花旦,楊思琦情變後完全被戲劇組放棄,最後一次拍劇,已經係兩年前的《翻叮一族》。

失控重複:「冇抑鬱!」

放大圖片
激動重複 6次冇抑鬱

難得有工開,上週五(2日),思琦為《瘋狂歷史補習社》錄影時否認患病,更重複了「冇抑鬱」 6次之多。「我澄清過好多次,我冇睇醫生冇食藥冇抑鬱呀!」
復出七個月,思琦一直被無 綫投閒置散,間中只獲委派主持端午節及全城防火特備節目,機會連新人也不如。

上週五( 2日),終於有工開,為與林曉峰、張美妮合作主持的資訊節目《瘋狂歷史補習社》在電視城錄影。記者上前採訪,問起愛女時,思琦喜洋洋:「個 B愈嚟愈重啦,好難抱,不過都唔算辛苦,湊佢係開心事。工作方面未有劇拍住,都係等公司安排囉!」話題一轉到抑鬱症,思琦立即高八度激動否認:「我冇抑鬱、冇抑鬱、冇抑鬱呀!我講 咗好多次,我冇睇醫生冇食藥,我冇抑鬱、冇抑鬱、冇抑鬱呀……」就算否認冇抑鬱,思琦妹呢個反應都唔似一個入行十多年藝人嘅舉動,冷靜 啲得嘛?

抄 20年亞視舊作

無綫新節目《瘋狂歷史補習社》由楊思琦、林曉峰及張美妮擔任主持,每集請來唔同嘉賓扮歷史人物說故事。聽落節目好新穎,但原來亞視喺 91年已做過相同節目叫《歷史也瘋狂》,由歐錦棠和安德尊等扮嘢主持,都係出自餘詠珊手筆。 20年前嘅節目都翻炒,無綫的確善用資源喎!

本週一( 5日)餘詠珊死撐:「兩個節目係完全唔同嘅,以前嗰個係搞笑節目,搵人扮古代人物,而且嗰啲古代人係我哋作出嚟嘅,純粹貪玩。今次新節目係有教育意義,講嘅歷史人物都係真嘅,算係半通識啦!我哋搞咗 9個月,問咗好多大學教授嘅意見㗎!」

單親媽咪唔易做

普通人做單親媽咪已經唔易,更何況係星媽。少數幸運例子好似林憶蓮咁,搭上細 11年嘅恭碩良玩姊弟戀,證明女人 46歲仲好有魅力。但唔係個個單親媽咪都咁好彩,湊仔之餘仲好大壓力,女人唔易做㗎!
要獨力養家養女,形象事業又插水,要長期幫襯心理醫生的思琦病情不見好轉, 9月被傳媒拍到精神恍惚憔悴。《蘋果日報》圖片

關淑儀

facebook遺言

關淑怡未婚產子後性情大變,加上退隱多年,事業感情兩失意,搞到個人情緒出現問題,更於 9月在 fb驚爆遺言「我想自殺」及「不想活」等尋死字句,令圈中好友非常擔心。

張栢芝

離婚激瘦

一向任性又脾氣大的張栢芝,自去年離婚後暴瘦。有傳張栢芝曾於 08年淫照曝光後試圖抱仔跳樓,情緒失控。霆鋒為怕離婚一事再刺激栢芝,才放棄囝囝的撫養權。

吳綺莉

撲水養家

99年吳綺莉為成龍產下「小龍女」,而成龍亦向公眾承認做錯事;同年吳帶女遠走上海,十多年來都由吳一手湊大女兒。近年吳回歸香港發展,在商台主持《 1圈圈》養女。

媽模 Mia

賣肉養囝

放大圖片
《蘋果日報》圖片
23歲媽模 Mia陳靜儀, 16歲結婚極速誕下一仔一女,但 3年後離婚。冇咗老公, Mia做 𡃁模影寫真,賣肉賺錢養家。


Related Posts Plugin for WordPress, Blogger...