搜尋此網誌

2012年11月7日星期三

[FACE]胡定欣食拉麵噴口水

胡定欣全程講唔停,難得男友好專心咁聽,連廁所都唔敢去,為乜呢呵?


FBI

胡定欣食拉麵噴口水

2012年11月07日

前年同馬國明分手之後,胡定欣今年初搭上創作界闊少沈栢淳( Patt),兩人拍拖大半年,據聞 Patt鍾意以銀彈攻勢冧女友,又經常租船出海。泊得好碼頭,胡定欣為箍住男友心,拍緊《衝上雲霄 2》鬼咁忙都陪男友食飯。


上週日( 28日), FBI喺上環蘇杭街撞正胡定欣同 Patt撐 枱腳,趕住拍《衝 2》 嘅胡定欣,夜晚 7點幾收工就飛車會合男友,原來 Patt一早就 喺拉麵鋪搵定位,唔使女友等位,胡定欣全程講 嘢多過食 嘢, Patt就坐定定,眼都唔敢眨聽女友講嘢,似足女友訓話咁款喎,難得馴服到男友咁聽話, 31歲胡定欣睇嚟好快會有好消息。

放大圖片

被揭拍拖之前,胡定欣都已經成日做司機車男友,當時男友面對記者仲係一臉驚青, 𠵱家已經習慣曬。圖片

放大圖片

食 咗 1粒鐘……唔係,應該係呻 咗 1粒鐘! Patt出門口即刻唞大氣。女人最忌嘮叨,胡定欣小心嚇走男友呀!

放大圖片

胡定欣有份拍台慶劇《大太監》,竟然仲同太監黎耀祥有親熱戲,極大機會升級做一線花旦。

放大圖片

胡定欣拍緊《衝上雲霄 2》,拍住女人湯丸羅仲謙,不過各有男女朋友,應該唔會過電。



Related Posts Plugin for WordPress, Blogger...