阿Sa陪仔過夜 「我爆M呀！」
鄭伊健及蔡卓妍（阿Sa）昨日到馬鞍山宣傳新戲，在台上互讚對方吃了防腐劑，樣貌與十年前合作時冇變。講到容祖兒被質疑雙性戀一事，阿Sa強調標籤人同樣是歧視。提到她日前到男友陳偉霆家過夜好滋潤，她笑說：「我爆M呀！」自爆剛是月事第一日，故一臉倦容。
蔡卓妍及鄭伊健昨日到馬鞍山出席電影《我老公唔生性》宣傳，一臉倦容的阿Sa表示剛是月事第一日，感到不適。提到她日前到男友陳偉霆（William）家過夜，阿Sa即笑說：「唔記得啦，我好善忘。」被取笑過夜好滋潤？她笑說：「我爆M呀！」
■阿Sa昨日和伊健宣傳新戲，她日前在男友屋企過夜，被取笑好滋潤，她即自爆月事來潮。
■阿Sa日前為男友陳偉霆預祝生日，撐枱腳後便同車往男友家過夜。
資料圖片
對於William的住址曝光，她強調不會為此搬屋，但不想經常將感情事掛在口邊。提到快將生日，問男友送甚麼？她說：「是但啦，有啲朋友諗唔到都唔使送，但阿嬌（鍾欣桐）已經送咗件褸畀我。」對於容祖兒被質疑雙性戀，阿Sa說：「如果大家覺得唔應該歧視同性戀，就更加唔應該標籤人，標籤都係歧視。鍾意一個人好簡單，就好似你鍾意一支筆同鍾意自己寵物一樣。」
伊健搵二五仔
另外，伊健於錢嘉樂婚禮與女友蒙嘉慧拖手離開，被指為世紀拖手，伊健反問：「有乜咁奇怪，又唔係第一次。」不過他表示不明白為何錢嘉樂告別單身派對照片流出，特別是那些激凸照，他說：「講明唔畀影相，我哋會搵到係邊個。」還有伊健被笠頭的絲襪照，他說：「OK啦，做得兄弟都預咗，唔通仲係懶型咁咩。點都好過陳小春嗰次，嗰次真係有兄弟飲咗洗腳水。
看完嘉樂的婚宴是否想更低調？伊健說：「多人係開心嘅，但我同女友都係低調嘅人，寧願低調搞。」是否結婚後才公開？他說：「講咗好多次，結唔結都一樣。」是否騷婚戒當宣佈？他說：「世事難講。」
採訪：李珮洳
攝影：陳順禎
■伊健昨被追問幾時擺酒，繼續大耍太極。
上一則:Mia護胸有法
下一則:莊思敏假胸又大咗
