搜尋此網誌

2012年10月24日星期三

TVB 4大處女開齋P 前度認苟芸慧同居唔同床

TVB4大處女 苟芸慧、鍾嘉欣、李亞男、王君馨、岑麗香


TVB 4大處女開齋P 前度認苟芸慧同居唔同床

FACE週刊 第283期

娛圈冇秘密,分別在俾人踢爆定玩自爆。07年港姐亞軍王君馨撈足五年,上週四(18日)再度自爆 26歲仲係處女,突然間做咗話題人物。

守住貞操,王君馨話因為自己係虔誠基督徒。其實同王君馨係老死、又一樣咁虔誠信基督嘅仲有高登女神苟芸慧。本刊收到風兼且得前男友親口證實,雖然同港男羅天宇拍 咗年半拖,新姣精苟姑娘原來人不可貌相「好守規矩」,極大機會同好姊妹一樣仲係處女,佢仲同老友鍾嘉欣、李亞男被幕後封為 TVB 4大處女,抵佢係全港網民心目中神聖不可侵犯 嘅「苟 BB」。

兩年前回流香港參選華姐奪冠, 29歲苟芸慧短短兩年時間成為高登女神,又被無綫力捧,成名後當然是非接住嚟,接二連三被爆姣溝小生新聞。被指係無綫新咪精,苟芸慧曾經委屈落淚。原來,知情人士透露,一樣係基督徒嘅苟姑娘,虔誠度唔比老死王君馨少。

14/10清心寡慾團



處女 2號苟芸慧

處女 3號李亞男

處女 4號鍾嘉欣

同聲同氣又同宗教,苟姑娘、鍾嘉欣、李亞男、王君馨、岑麗香自組團契,早前( 14日),就被記者發現五缺一在將軍澳聚會。

神心姊妹

王君馨自爆係處女,李亞男堅稱同王祖藍守行為拒絕婚前性行為,等結婚先「拆禮物」。

處女 1號王君馨

王君馨自爆係處女,李亞男堅稱同王祖藍守行為拒絕婚前性行為,等結婚先「拆禮物」。

返閨開飯

「處女團契」在吉之島買餸上王君馨寓所玩煮飯仔,禁慾四人組專食沙律,胃口清淡。

「處女團契」在吉之島買餸上王君馨寓所玩煮飯仔,禁慾四人組專食沙律,胃口清淡。

唔敢答

苟芸慧

我怕醜!真實對白

王君馨自爆係處女,週日( 21日),苟姑娘被問到同一問題,就話怕醜唔肯答。

循規蹈矩

雖然緋聞多,苟姑娘入行兩年唯一一段承認戀情,只有港男羅天宇。去年承認相戀的苟姑娘同羅天宇,今年初突然爆出分手傳聞,不過有報道指苟姑娘實情正受力捧,受到公司施壓而將戀情從地上轉至地下而已。

表面上話分手,苟姑娘還是自出自入羅母在西頁經營的茶餐廳,甚至與男友羅天宇共赴同居於日出康城。對於好姊妹自爆係處女,苟姑娘週日出席活動就避談性經驗:「唔好講呢個問題,我怕醜,天宇都係基督徒!」記者週一向羅天宇當面求證,羅天宇曲線承認二人同居不同床:「有冇性行為?太私人啦,我唔答。但係我 哋兩個都係基督徒,都好守規矩嘅,拍拖都係行街食飯睇戲咋!」

4大處女開齋P 前度認苟芸慧同居唔同床

29歲苟姑娘樣靚身材正,一出道就做高登女神,不過極有可能仲係處女之身,不負宅男眾望。

4大處女開齋P 前度認苟芸慧同居唔同床

好守規矩嘅!真實對白

羅天宇週一照常回無綫拍攝《愛.回家》時向記者承認,與苟姑娘拍拖時守規矩,只限行街食飯睇戲。

處男戀上苟姑娘

「上位女神」 29歲的苟芸慧,上年公開同細 4年的有米港男羅天宇拍拖,二人更被踢爆同居,苟姑娘是羅母的契女,兩家人是世交,二人同為基督徒,因此羅天宇亦曾自爆還是處男,而呢段有愛冇性的姊弟戀,似是而非拖足 2年。

上年踢爆

苟被拍得遭羅在耳邊偷吻,因而戀情曝光,同日苟自爆同羅拍拖數月,其後亦被踢爆二人已同居日出康城。

今年分手

今年 2月,苟單方面宣布忍痛分手,希望發展事業,但兩人「再見亦是朋友」。

8月復合

但同年 8月,與羅天宇母親以契母女相稱的苟,被拍得經常去契媽位於西貢的羅家留宿及共用羅家菲傭。

4大處女開齋P 前度認苟芸慧同居唔同床

4大處女開齋P 前度認苟芸慧同居唔同床

處女教條主腦

王君馨:守貞保證無病!

今次引起圈中處女風波 嘅王君馨,雖然口口聲聲話性經驗係私隱,唔想分享,不過連日來被記者問及,王君馨就次次都口若懸河極多處女言論發表:「我信主三年,受浸兩年。其實未係基督徒,我已經覺得守住佢(貞操)。我自己跳拉丁舞,又係演員,都有好多機會要著性感衫同拍性感戲,拍戲有時我覺得過分都會同導演傾,每次著性感衫前,我就會向神祈禱。如果嗰件衫著落唔平安,即係神都唔畀我著,咁我就唔會著啦。我十七歲開始拍拖,次次都視對方為結婚對象,第二個男朋友就係因為咁(不肯獻身)同我分手。我覺得初夜係要留畀老公、喺結婚嗰晚做,先係一件amazing嘅事,先至會保證到唔會墮胎亦唔會有病,夫妻二合為一、身心結合。男朋友如果係愛我、想同我結婚,無理由唔可以等到嗰晚!」

因為宗教關係,王君馨與不少圈中教友稔熟,但感情問題只與李亞男及衞蘭(上圖)分享。

因為宗教關係,王君馨與不少圈中教友稔熟,但感情問題只與李亞男及衞蘭(上圖)分享。

王君馨

結婚嗰晚做先 Amazing!真實對白

論虔誠,王君馨在圈中數一數二,仲自爆在家中有專屬房祈禱

祈禱屋

論虔誠,王君馨在圈中數一數二,仲自爆在家中有專屬房祈禱。



發表處女言論當晚( 18日),露出半球身穿超透視晚裝嘅王君馨話,次次著性感衫前都會祈禱問准上帝。

處女團契

唔只王君馨同苟姑娘,電視城仲有好多花旦都物以類聚係同道中人。

一樣由外國回流、同屬選美出身、一樣鄉音未改鬼聲鬼氣,仲一齊篤信基督教 嘅,仲有鍾嘉欣、李亞男同「香香公主」岑麗香。據悉五大純品鬼妹仔自組基督教團契,輪流在各自香閨聚會祈禱,有時亦結伴買料玩「自家煮意」,醫完肚再聚會。早前本刊便發現苟姑娘孖住李亞男、王君馨同鍾嘉欣一齊買餸煮飯仔。

除了王君馨自爆處女、苟姑娘極有機會係同類外,與王祖藍拍拖 嘅李亞男,亦同男友雙雙誓神劈願唔會破戒,香香公主一樣清純過蒸餾水,鍾嘉欣出道最早、同功夫奀星伍允龍拍拖六年但乖到爆,花旦團契分分鐘係處女大本營,絕種動物齊集,邊個話香港女仔隨便?

有份負責開處女齋 P唔受男人的王君馨對本刊說:「嗰日( 14日)係我新居入夥,成班人上嚟食嘢傾偈,傾咗成十個鐘,香香做完嘢都有上嚟。我哋一齊都係傾偈同祈禱,基督徒妒忌係罪,我哋有時羨慕班姊妹工作,都唔啱,會講出嚟祈求對方原諒。」

「無處」不在

雖然現今社會愈趨開放,少女失身年齡愈見誇張,但除咗王君馨自認仲係處女外,圈中亦有不少玉潔冰清的女星,曾發表過「處女論」。

何超蓮

何超蓮

身為賭王三房千金,雖曾拍拖亦曾表示未失過身。

林欣彤

林欣彤

10年《巨聲 2》奪冠後,曾在訪問中話:「我係基督徒嚟,呢啲嘢唔得㗎!」



李亞男

與王祖藍同屬基督徒,為嚴守婚前禁慾戒條,拍拖要出動教友監場,撲滅慾火。

鄧紫棋

鄧紫棋

09年曾在訪問中自爆:「我係處女,要留番結婚先畀老公。」

岑麗香

岑麗香

自言係基督教徒,呢方面唔可以咁隨便。

鍾嘉欣

鍾嘉欣

聲稱從未拍過拖的嘉欣 BB,入行初期曾自爆尚未失身!

身為虔誠基督教徒的羅蘭,多年獨身,係處女一啲都唔奇。聖羅蘭原來係性貞德

羅蘭

身為虔誠基督教徒的羅蘭,多年獨身,係處女一啲都唔奇。聖羅蘭原來係性貞德。

餘慕蓮

餘慕蓮

娛圈的金牌剩女,獨身多年一直心如止水,只寄情做義工。



Related Posts Plugin for WordPress, Blogger...