媽咪姐
徐子珊升胸露怪褶
2012年11月16日
《萬千星輝賀台慶》喺下周一（ 19日）晚舉行，上周四（ 8日） TVB率先搞個節目巡禮做頭盤曬冷。
年年為客戶歡心，一班姐仔例牌落力打大心口。好似憑《雷霆掃毒》毒後一角成大熱嘅徐子珊， 8年前參選港姐時只得 32B，當晚竟然四両撥千斤變 34D乳神，令人眼前一亮。可惜吖，佢顧得心口兩團肉，唔記得收埋胳肋底旁邊嘅贅肉，搞到出現離奇怪褶。最慘係佢出場時落大雨，工作人員即刻拉番佢入廠執靚樣，緊隨佢出場嘅真波神高海寧就冷手執個熱煎堆，俾班客戶圍住嚟影相。呢啲真係人算不如天算。
近日徐子珊頻頻以波會友，佢澄清：「經理人想我著靚啲！」以前身材冇咁勁嗰時又唔見佢咁著啫！
真正 34D波神高海寧，著住金色低胸露背裙現身。前又露後又露嘅佢，引得在場男客戶蜂擁而至。
