【No.1】■唔知馬明系咪因為同高登巴打啲嗜好相似，所以多人投渠票？資料圖片
早排高登網站個高登女神選舉，引起好大回響，結果由人妻謝安琪登上寶座，連帶第八名慨魯芬，都人氣爆燈。班高登巴打再接再厲，搞多個高登男神選舉，之前接受一眾巴打絲打提名，而結果終於喺噚日淩晨公布。
一如所料，自爆有睇AV習慣慨馬國明，以總分1600順利當選首屆高登男神，相信馬國明慨宅男性格，但又鬼咁有魅力，令唔少高登仔既葡萄又趨之若鶩，先至會投佢做男神。
【No.2】■邊度都有陰謀慨鄭子誠，奸得嚟都有幾分男人味。資料圖片
林雪贏吳彥祖
第二位系冇陰謀慨，就系近日紅到爆慨「陰謀情人」鄭子誠，渠撚聲演繹《豆腐火腩飯》潮文，演活咗男人的浪漫。第三位就系啱啱舉行棟篤笑慨黃子華。
之前有巴打玩嘢提名魯芬參選男神，可惜已經被foul出局，而37名獲提名慨男神入面，最令人亮眼慨都算系林雪，渠以642分排第六，排名仲要比排第七慨張國榮同第八慨吳彥祖高，真系莫名其妙。
