來路貨
殭屍女翻兜
2012年11月16日
《吸血新世紀》女主角，殭屍女姬絲汀史超活（ Kristen Stewart）早排偷嗒《白雪公主之魔幻復仇記》已婚導演路柏山達斯巴達（ Rupert Sanders），被男友羅拔柏迪臣（ Robert Pittinson）一怒下狠撇。
分手三個月，兩人最近不斷俾人拍到每次出現都表現親熱，加上 Kristen人前人後表現風騷，明顯話俾人聽已經 冧番掂 Pittinson。
一個正係荷里活上緊位 嘅筍盤，另一個只係一流尾二流頭 嘅已婚導演，有腦 嘅都唔會為 咗棵樹而捨棄個森林啦﹗
你估梁特首咩，冇得揀，揀 著班倒米班子。
早前福布斯公布 Kristen以 3,450萬美元（約港幣 2.7億）躍登 2011-2012年度最賺錢女星。但自從同 Rupert嘅姦情爆出後，玉女形象冇曬，事業更直插穀底，最快見效 嘅，就係本來由佢 孭飛 嘅《白雪公主之魔幻復仇記》開拍續集，都將佢 fade out，「錢」途堪虞啊。相反被迫戴綠帽 嘅 Pittinson，卻贏盡粉絲 嘅心，就算係票房毒藥，一樣片約不斷。靚仔有本心係有好報 嘅。
為咗箍番掂 Pittinson呢個筍盤， Kristen每次出席《吸血新世紀 4破曉傳奇》首映禮都主動扮親熱，難得 Pittinson又配合交足戲。
姑勿論 Pittinson同 Kristen復合係真抑或係煲水，最開心 嘅，應該係《吸》嘅片商，無形中可以增加電影 嘅吸引力嘛。
其實 Kristen根本有鋪偷嗒人夫癮。喺同 Rupert Sanders之前，曾經搭上過珍妮花安達斯頓（ Jennifer Connelly）（左）嘅未婚夫 Justin Theroux（中）。
狼人轉嗒妹
《吸血新世紀 4破曉傳奇》（香港 12月 20號上映）內容完全出人意表。 Kristen飾演 嘅 Bella同 Pittinson飾演 嘅 Edward結合後，生 咗 Mackenzie Foy飾演嘅 Renesmee，而 Kristen終於成為 Pittinson同類——殭屍。
最不可思議 嘅係﹕因為個女 Mackenzie俾吸血鬼家族追殺， Pittinson為勝出戰役，四出找援軍，最後感化情敵狼人 Taylor Lautner飾演 嘅 Jacob，幫手退敵。因為 Mackenzie係半人半吸血鬼，成長速度驚人，當 Taylor一見到殭屍女，即「移情別戀」，棄母而愛女。咁逆天 嘅情節都諗得出，導演玩 嘢真係玩到盡。
