洪永城籌錢上太空 陳國峰揀女友唔吼香香

陳國峰揀女友唔吼香香

「巨聲幫」隊長陳國峰（Penny）早前與人氣急升的「香香公主」岑麗香傳緋聞，Penny當時斷然否認，究竟他喜歡的是哪杯茶？Penny接受訪問時自言揀女友不愛香香，卻喜歡「重口味」的女仔，他笑說：「我鍾意嘅女仔好『重口味』，香港好難搵到，我鍾意成身肌肉、運動型嘅女仔，比較接近啲係『蜘蛛女』鄭麗莎。」

Penny憑參加歌唱比賽《超級巨聲2》加入無綫，隨後參與過多套電視劇拍攝及擔任節目主持，Penny也明白現在要在樂壇佔一席位出唱片難度很高，但他希望給自己五年時間，希望有機會出碟一圓歌星夢，他說：「除咗唱歌，拍過幾套劇後都鍾意咗做戲，最欣賞係黎耀祥做嘅柴九角色，自己都買咗套碟得閒煲劇偷師。」

陳國峰不愛岑麗香，選女友相當「重口味」。

洪永城籌錢上太空

被傳與女友分手的節目主持人洪永城（Tony）近日受無綫力捧，並為無綫台慶巨獻《走過烽火大地》擔任主持，深入中東戰區。雖然當地槍林彈雨，不過Tony卻感受到不一樣的一面，他說：「當時參加咗庫爾德人嘅婚禮，原來佢哋係會即場拆人情！不過無論佢哋封幾多，司儀宣讀禮金時，嘉賓都會照樣拍手掌，完全唔覺得尷尬！好彩我哋都封咗一百蚊美金畀佢哋，都唔算失禮！哈哈！」

而問到Tony還有甚麼地方想去時，他竟然語出驚人：「係太空！希望兩年內可以去到，不過首先我要籌到二十萬美金先！」而問他尚欠多少錢才可完成目標？Tony竟笑言：「仲需要籌十九萬八千五百蚊美金！」

洪永城最希望可以一嘗登上太空的滋味，不過要籌夠二十萬美金。

洪永城雖然感受到戰區的槍林彈雨，不過依然發現當地的可愛之處！