娛聞樂
開棟篤笑終極搵錢 喬寶寶自爆衰十一
2012年11月16日
喬寶寶 11月尾殺入九展講三場棟篤笑，首次擔大旗不容有失。節目中不單寸盡近日社會現象，更將自己昔日在懲教署工作時十一樣烏龍事搬上舞台，自爆如何「衰十一」。就連扮嘢祖師爺盧海鵬亦被打動擔任其嘉賓，實行雙劍合璧。
喬寶寶四圍辣火頭，全因他希望趁在明年九月到英國坐移民監前，賺多點錢養妻活兒，因而開 show前仍密密搵真銀，但求搵得幾多得幾多！
請得鬱盧海鵬助陣，當然唔係要鵬哥試咪咁簡單。喬寶寶話：「到時我同鵬哥會鬥嘴。（內容講乜？）冇定㗎，都係臨時爆肚！而黑妹係我另一場嘅嘉賓，不過我同佢唔會合唱，觀眾聽嚇佢把靚聲啦，我就會把握時間唞嚇！」臨近開 show前，喬寶寶仍繼續密密接登台 show，他說：「我會要求開 show前休息幾日，要閉關背稿，因為我唔識睇中文，要花多 啲時間去記稿。」
開 show前有壓力，但他的體重卻有增無減，他笑說：「有壓力我仲食多咗，呢排肥咗十磅！始終有得搵就要搵，三年後（指坐完移民監回港）都唔知變成點啦！」
喬寶寶在棟篤笑會將昔日在懲教署工作的笑料搬上舞台，內容為「衰十一」，包括「九門提督」、「夾菜」等十一件事。「『九門提督』 嗰次，我攞住九條鎖匙去倉 check犯，點知我攞錯 咗，卒之試勻曬所有鎖匙都開唔到門，搞到 啲犯大把時間收埋 啲牌九同啤牌。阿 sir就梗係鬧爆我啦， 啲犯見到我個烏龍樣，亦暗地裏笑到我面黃。
扮女主播
喬寶寶在棟篤笑中，會播出一段由他扮女主播的新聞片，同 TVB新主播利君雅（小圖）好似失散姊妹。
扮市井
喬寶寶最叻扮 嘢，無論在電影或廣告，都有不少抵死得意的造型，他又多生活體驗，開 talk騷自然多話題。
爆懲教署內幕
「另外有一次我 喺 canteen派飯，有個犯同我講：『阿 sir，俾多兩條菜啦！』咁我諗住你要兩條咪兩條囉，我仲夾夠三條俾佢㖭。點知個犯人嫌少，以為我玩佢，仲話：『係咪玩 嘢呀！』咁我咪話：『玩你唔起呀？』之後大家梗係推開 啲碗碟開拖啦，好有《監獄風雲》 feel㗎！」
雖然他大爆懲教署秘聞，但一點也不擔心被「算帳」。「離開懲教署時係簽咗協議書，五年內唔可以講懲教署 嘅 嘢，咁依家都過咗五年啦，我都係將內幕戲劇化 啫。」
擺陳志雲上 枱
除了懲教署，喬寶寶更連 TVB前高層陳志雲都擺上 枱。「有一幕講面試見工，係假設陳生走咗之後無人坐到佢個位，於是我咪去應徵囉，仲會開 啲好離譜 嘅入職條件，例如要香港小姐冠亞季軍做我 嘅秘書，又要遊艇同名車代步，都係搞笑。（驚唔驚陳生嬲 㗎？）都驚，不過佢都離開 咗 TVB，吹我唔脹啦！」
棟篤笑內更有談及人生四個步驟，即是生老病死，喬寶寶以四句總結他在香港的經歷：「生就冇牀位，死就冇靈位，都唔知香港係咩世界，總之就古古怪怪！」
年賺 300萬
喬寶寶密食當三番，不時到大陸登台，大小通吃，未計新搞的生意，已年賺三百萬。
最強老外
除 咗喬寶寶，娛樂圈一直有不少老外演員，包辦了高級警司、外籍富商等洋人角色，港劇至可以有咁多個角色可以叫 Mr. Robinson。
