2012年11月16日星期五

名模變

2012年11月16日

時下興變臉，好似啲模為咗靚，冇見一排唔同曬樣，變到連佢阿媽都唔認得。而有一定地位嘅名模，亦一樣求變，不過係變好定變差，大家自己睇啦！

同黎明離咗婚嘅樂基兒，即時回復真我，做番啲之前唔敢做嘅嘢。最近要做浪女嘅佢，返嚟香港之後，耐唔耐就去滑浪，曬得一身古銅色。早前佢出席 MAJE時裝活動，媽咪姐就覺得佢曬過龍，有啲菲律賓味道，睇嚟佢最適合做黑鬼油代言人呀！

黑到似炭嘅樂基兒，襯埋啱啱失戀兼面無血色嘅黃婉佩（ Race）度，真係黑白分明。

樂基兒不時喺 instagram曬自己滑浪嘅相，證明活得比你好！

婚後已淡出模界嘅 Amanda S.，主力打理餅舖生意。上周三（ 7日），佢單拖出席活動，向來瘦蜢蜢嘅佢，著咗件設計奇特嘅入膊衫，身形突然向橫發展，成個大隻妹咁款！

講到明好耐冇同老公外遊嘅 Amanda S.，對住相機都唔識笑，唔通捱得好辛苦？

忙搞餅舖生意嘅 Amanda S.，出手整餅之餘，仲耐唔耐落舖幫口試味，難怪大隻曬！

林莉啱啱去完個幾月法國遊學，以為佢叉足電，原來衰收尾，喺返港前兩日，被扒手偷咗手袋。佢早幾日出嚟，唔只個樣謝曬，連個胸都冇厘精神，明顯縮曬水。

瘦底嘅林莉，之前喺寫真集穀盡 32C，都算有啲睇頭。

林莉眼袋犀利，加上又唔托胸，即時跌 watt！