媽咪姐
李彩華王祖藍信者得米
2012年11月16日
周日（ 11日）係李彩華（ Rain） 29歲生日兼受洗嘅日子，媽咪姐都去咗賀壽星女！ Party喺趙雪英嘅五億大宅內舉行，媽咪姐食住烤羊架，又同 Rain傾嚇。嘩！原來佢今年買咗個 8萬幾嘅 Hermè s手袋、鑽石耳環同手錶俾自己做生日禮物， total成廿幾萬，認真富貴。
同場仲有王祖藍，佢都好有米呀！喺西貢買咗塊地起屋，諗住一家人住。媽咪姐覺得佢同李亞男應該快結婚，呢晚見到亞男同祖藍媽好 friend，「一家三口」喺大宅內行嚟行去看裝修，仲不時向趙雪英取經㖭。嗱，間新屋入夥，記住請媽咪姐參觀嚇喎。
亞男好腳法
你睇，李亞男搭住祖藍媽影相，係伸直腳，但一同男友祖藍合照，自動波交叉腳，就一就位。醒呀！
