2012年11月16日星期五

牛華狂隊牛雜

2012年11月16日

華仔被形容為「勤力牛」真係一啲冇錯。早幾日先見佢喺中環拍攝新戲《風暴》，哈，轉過頭又見佢為杜琪峯嘅《盲探》開工喎。話時話《盲探》係影壇鐵三角劉德華、鄭秀文同杜琪峯八年後再次合作嘅新片，所以電影公司特別重視。

媽咪姐前兩日就喺灣仔見到劉華同 Sammi開早班。現場所見，除咗佢兩個，仲有高圓圓客串㖭。當日拍攝華仔同 Sammi去街邊車仔檔買嘢食嘅場口，見華仔係咁拮牛雜食，仲食得津津有味。反而 Sammi就冇佢咁輕鬆，事關要喪跑。到大隊收工，華仔可能食得唔夠喉，竟然返轉頭隊多幾串牛雜先收口。可憐嘅大明星！

偷食

華仔同杜 Sir（左二）傾戲時，已經頂唔住牛雜香味，偷偷試食。側邊嘅 Sammi忍唔住笑佢。

狼吞

正式開拍，華仔更加打正旗號狂。

唔知有心定無意，呢個檔仔叫做其記。杜 Sir秘撈？

Sammi拍完食嘢跟住拍喪跑，杜 Sir竟然一 take收貨。輕輕鬆鬆又收工咯！

大家隊牛雜隊得興高采烈，客串嘅國內名旦高圓圓就坐埋一邊隊餅乾。文化差異？